وسیم اکرم کے نوجوان کرکٹرز کو ’مفید مشورے‘

ابوظہبی (اردو پوائنٹ تازہ ترین اخبار ۔ 8 جون 2021ء ) سابق سپیڈ سٹار اور کراچی کنگز کے صدر وسیم اکرم نے تربیتی کیمپ کے موقع پر بچوں کے ساتھ کچھ مفید مشورے شیئر کیے۔ کراچی کنگز کے آفیشل ٹویٹر ہینڈل سے شیئر کی گئی ویڈیو میں وسیم اکرم کو ایسے بچوں کے ساتھ دیکھا جاسکتا ہے جو نیٹ ایریا میں پریکٹس کر رہے تھے۔

(جاری ہے)

وسیم اکرم نے کہا کہ ’’آپ چھوٹے بچوں کو دیکھ کر اچھا لگا ، مجھے امید ہے کہ آپ کرکٹ کھیل کر اچھا وقت گذار رہے ہیں، یاد رکھنا ، آپ جو کرنا چاہتے ہیں کریں اور اس سے لطف اندوز ہوں‘ ۔

تجربہ کار کرکٹر نے یہ بھی وعدہ کیا تھا کہ جب وہ ٹریننگ کے لئے آئیں گے تو ان سے ملیں گے۔ انہوں نے کہا کہ’ جب آپ اگلی مرتبہ ٹریننگ کے لیے آئیں گے تو میں آکر آپ کو دیکھوں گا‘‘۔