سلمان بٹ میچ ریفری بننے کے مشن پر گامزن

لاہور (اردو پوائنٹ تازہ ترین اخبار ۔ 8 جون 2021ء ) سابق کپتان سلمان بٹ پیر کے روز شروع ہونے والے امپائرز اور میچ آفیشلز کے لئے آن لائن لیول 1 ون امپائرنگ کورس میں حصہ لینے کے بعد میچ ریفری بننے کے مشن پر ہیں۔ اس کورس میں 49 کے قریب کرکٹر شریک تھے جن میں بین الاقوامی کھلاڑی عبدالرؤف اور آف سپنر بلال آصف شامل تھے۔ کورس میں مجموعی طور پر 350 اہلکار حصہ لے رہے ہیں اور انہیں پی سی بی کے ایلیٹ اور ضمنی پینلز کے میچ ریفریوں کے ذریعہ تربیت فراہم کی جارہی ہے۔

(جاری ہے)

شرکا کو تحریری ٹیسٹ ، فٹنس ٹیسٹ اور انٹرویوز سے قبل امپائرنگ کے بنیادی قواعد و ضوابط اور کھیل کے قوانین کے بارے میں معلومات فراہم کی جائیں گی۔ یہ اقدام سابق کرکٹ کھلاڑیوں کے لئے روزگار کے مواقع میں اضافے کے پاکستان کرکٹ بورڈ کے وعدے کا ایک حصہ ہے اور کامیابی کے ساتھ کورس مکمل کرنے والے امیدوار کلب اور سکول لیول کے کھیلوں کا اہتمام کرنے کے اہل ہوں گے۔ پی سی بی نے کورس کے لئے اپریل میں رجسٹریشن کا آغاز کیا تھا۔