یورو 2021ء،پیراشوٹر میچ کے موقع پر سٹیڈیم میں کود گیا، کئی شائقین زخمی

میونخ (اردو پوائنٹ تازہ ترین اخبار ۔ 17 جون 2021ء ) گرین پیس پیراشوٹر یورو 2021ء میچ کے موقع پر سٹیڈیم میں کود گیا۔ فرانس اور جرمنی کے درمیان میچ کے موقع پر مظاہرہ کرنے والا پیراشوٹر خود تو کیمرے کے لیے لگائی گئی تار میں الجھ گیا مگر نیچے گرنے والے سامان کے باعث کئی تماشائی زخمی ہوئے، فرانس کے کوچ ڈیڈائر ڈیسچیمپس بھی پیراشوٹر کی زد میں آنے سے بال بال بچے۔

(جاری ہے)

فٹ بال کی عالمی تنظیم یوئیفا نے اس اقدام کو غیرذمہ دارانہ اور خطرناک قرار دیتے ہوئے قانون نافذ کرنے والے اداروں سے کارروائی کا مطالبہ کیا۔ مظاہرہ کرنے والے کے پیراشوٹ پر لکھا تھا کہ ’آئل کا استعمال بند کرو اور ماحول کو صاف بناؤ‘۔ دوسری جانب گرین پیس تحریک نے اس معاملے پر معذرت کرلی جب کہ میونخ پولیس نے واقعے کی تحقیقات شروع کردی ہیں۔