بھارتی سرزمین پر مارٹن گپٹل نے ویرات کوہلی سے ورلڈ ریکارڈ چھین لیا

ممبئی (اردو پوائنٹ تازہ ترین اخبار ۔ 20 نومبر 2021ء ) نیوزی لینڈ کے بیٹر مارٹن گپٹل بھارتی سر زمین پر ویرات کوہلی کو پیچھے چھوڑتے ہوئے ٹی ٹونٹی انٹرنیشل میں سب سے زیادہ رنز بنانے والے کھلاڑی بن گئے ۔ مارٹن گپٹل نے 111 ٹی ٹونٹی انٹرنیشل میچز میں 3248 رنز بنالیے ہیں جو کہ ٹی ٹونٹی انڑنیشنل میں کسی بھی بیٹر کے سب سے زیادہ رنز ہیں۔ ان سے قبل یہ اعزاز بھارت کے ویرات کوہلی کے پاس تھا جنہوں نے 95 میچز میں 3227 رنز سکور کیے ہیں۔

(جاری ہے)

مارٹن گپٹل کو ویرات کوہلی کو پیچھے چھوڑنے کیلئے 11 رنز درکار تھے جو انہوں نے بھارت کے خلاف دوسرے ٹی ٹونٹی میچ میں 31 رنز کی اننگز کھیل کر مکمل کرلیے۔ واضح رہے کہ بھارت کو نیوزی لینڈ کے خلاف 3 ٹی ٹونٹی میچز کی سیریز میں 0-2 کی برتری حاصل ہے ۔