ثقلین مشتاق کا کوچنگ کے حوالے سے اپنا الگ فلسفہ ہے: معین علی

لندن (اردو پوائنٹ تازہ ترین اخبار ۔ 10 جنوری 2022ء ) انگلش بلے باز معین علی نے ایک انٹرویو کے دوران پاکستان کے سابق آف سپنر ثقلین مشتاق کی کوچنگ سے متعلق کھل کر وضاحت کرتے ہوئے کہا ہے کہ ثقلین مشتاق کا کوچنگ کا وژن بہت ہی شاندار ہے اور ان کا کوچنگ کے حوالے سے اپنا ایک فلسفہ ہے۔ معین علی سابق انگلش کپتان ایلسٹر کک کے ہمراہ ایک پروگرام میں شریک تھے اور اس دوران میزبان نے ان سے ثقلین مشتاق کی کوچنگ سے متعلق سوال کیا۔

(جاری ہے)

معین علی نے میزبان کے سوال کا جواب دیتے ہوئے کہا کہ ثقلین مشتاق کا کوچنگ کا وژن بہت ہی شاندار ہے اور ان کا کوچنگ کے حوالے سے اپنا ایک فلسفہ ہے۔ ان کا کہنا تھا کہ ثقلین مشتاق کا سمجھانے کا انداز دیگر کوچز کے مقابلے میں بالکل ہی مختلف ہے اور میں اس انداز کو دیگر پر ترجیح دیتا ہوں۔ معین علی نے کہا کہ ثقلین مشتاق کا کوچنگ کا اپنا ایک انداز ہے اور میرے لیے ثقلین مشتاق دنیا کے سب سے بہترین کوچ ہیں۔