پی ایس ایل7، راشد خان آج اپنا آخری میچ کھیلیں گے

لاہور (اردو پوائنٹ تازہ ترین اخبار ۔ 19 فروری 2022ء ) لاہور قلندرز کی نمائندگی کرنے والے افغانستان کے لیگ سپنر راشد خان کا پی ایس ایل 7 میں سفر آج ختم ہوجائیگا۔ لاہور قلندرز کے لیگ سپنر راشد خان کا ایچ بی ایل پی ایس ایل 7 میں سفر آج ختم ہو رہا ہے، معروف سپنر نے پاکستانی لیگ کے 8 میچز میں 11 وکٹیں حاصل کیں۔

(جاری ہے)

لاہور قلندرز نے راشد خان کے متبادل کے طور پر اگلے میچز کے لیے آسٹریلیا سے تعلق رکھنے والے پاکستانی نژاد لیگ سپنر فواد احمد کی خدمات حاصل کر لی ہیں۔

واضح رہے کہ راشد خان بنگلادیش کیخلاف سیریز کیلیے نیشنل ڈیوٹی پر واپس اپنے وطن جارہے ہیں۔