ناصر حسین بھی بابر اعظم کی کور ڈرائیو کے مداح نکلے

لاہور (اردو پوائنٹ تازہ ترین اخبار ۔ 6 اگست 2022ء ) سابق انگلش کپتان اور معروف کمنٹیٹر ناصر حسین ٹیم پاکستانی کرکٹ ٹیم کے کپتان بابر اعظم کی کور ڈرائیو کے معترف نکلے۔ تفصیلات کے مطابق آئی سی سی نے ناصر حسین کی ویڈیو شیئر کی ہے جس میں وہ کور ڈرائیو پر بات کر رہے ہیں۔ انہوں نے کور ڈرائیو کو بہت اچھے سے سمجھایا اور جب ان سے پوچھا گیا کہ آپ کسی نوجوان کھلاڑی کو کور ڈرائیو سکھا رہے ہوں تو کس کی کور ڈرائیو دیکھنے کو کہیں گے۔

جواب میں ناصر حسین نے کہا کہ این بیل، کین ولیمسن، کے ایل راہول، جو روٹ بہت اچھی کور ڈرائیو کھیلتے ہیں۔ میں ویرات کوہلی فینز سے معافی مانگنا چاہتا ہوں لیکن بابر اعظم کی کور ڈرائیو بیسٹ ہے میں اگر کسی نوجوان کھلاڑی کو کور ڈرائیو سکھا رہا ہوں تو میں بابر کی کور ڈرائیو دیکھنے کو کہوں گا۔

(جاری ہے)

سابق انگلش کپتان نے یہ بھی کہا کہ وجہ یہ ہے کہ بابر اعظم کی کور ڈرائیو بہت خوبصورت ہے جو مجھے پسند ہے۔