پیرس سینٹ جرمین کے مسلم فٹبالر ہم جنس پرستی کے فروغ کا بائیکاٹ کرنے پر ہیرو قرار

پیرس (اردو پوائنٹ تازہ ترین اخبار ۔ 10 اگست 2022ء ) پیرس سینٹ جرمین کے دفاعی مڈفیلڈر ادریسہ گانا گوئے کو اپنے ملک کی طرف سے کافی سپورٹ حاصل ہوئی ہے اور لیگ 1 میں کھیلتے ہوئے ہم جنس پرستوں کے جھنڈے والی شرٹ پہننے سے انکار کرنے کے بعد انہیں ہیرو کے طور پر سراہا گیا ہے۔ پی ایس جی کے مڈفیلڈر کا دفاع کرتے ہوئے سینیگال کے صحافی، بیکری سیس نے کہا کہ گوئے نے اپنی پوری زندگی سینیگال میں گزاری ہے اور ہر ملک کی اپنی ثقافت اور مذہبی اصول ہیں۔

ان کا مزید کہنا تھا کہ ہمیں یہ نہیں بھولنا چاہیے کہ گوئے سینیگال میں پیدا ہوئے تھے، وہ وہیں پلا بڑھا، وہیں تعلیم پائی، ہم ہر اس چیز کا احترام کرتے ہیں جو دوسرے کرتے ہیں لیکن ہم ان کی ثقافت میں ان کی پیروی نہیں کرتے ہیں، ثقافتی طور پر کوئی بھی نہیں سمجھ سکتا تھا کہ اگر اس نے جو کچھ کیا اس کے علاوہ وہ کچھ بھی کرتا۔

(جاری ہے)

وہ اکیلا نہیں ہے۔

اس سے قبل ادریسہ گانا گوئے کو Montpellier کے خلاف لیگ ون میچ میں حصہ لینے سے انکار کرنے پر تنقید کا نشانہ بنایا گیا تھا کیونکہ وہ ہم جنس پرستی کو فروغ دینے والی شرٹ نہیں پہننا چاہتا تھا۔ پی ایس جی کے منیجر ماریشیو پوچیٹینو نے گیوئے کی ٹیم سے غیر موجودگی پر تبصرہ کرتے ہوئے کہا کہ کھلاڑی زخمی نہیں ہوئے لیکن ذاتی وجوہات کی بناء پر ٹیم سے باہر گئے۔

بیکری سیس نے مزید کہا کہ ہمیں سینیگالی فٹ بالر کی مذمت نہیں کرنی چاہئے کیونکہ وہ اپنے کیے کا دفاع کرنے کے قابل ہوسکتا ہے اور کیونکہ تمام سینیگالی شہری اس کی حمایت کرتے ہیں اور اسے ہیرو سمجھتے ہیں۔ ان کا مزید کہنا تھا کہ آج ادریسہ گانا گوئے کو تمام سینیگالیوں اور تمام افریقیوں کی مکمل حمایت حاصل ہے۔ اس معاملے میں ہمیں فٹبالر کو بدنام نہیں کرنا چاہئے۔ وہ اپنے اس عمل کا جواز پیش کر سکتے ہیں، یقیناً انہیں سینیگال میں ہیرو سمجھا جاتا تھا، انہوں نے مزید کہا کہ ہمارے لیے گوئے ایک ہیرو ہے۔