ایشیا کپ 2022ء: دبئی سٹیڈیم میں سیاسی جھنڈے اور بینرز لیجانے پر پابندی عائد

دبئی (اردو پوائنٹ تازہ ترین اخبار ۔ 26 اگست 2022ء ) دبئی پولیس نے ہفتے سے دبئی انٹرنیشنل سٹیڈیم میں شروع ہونے والے ایشیا کپ کرکٹ ٹورنامنٹ میں شرکت کرنے والے شائقین کے لیے ایک ایڈوائزری جاری کی ہے ۔ ٹوئٹر پر ایک بیان میں دبئی پولیس نے لوگوں پر زور دیا کہ وہ صرف درست ٹکٹوں کے ساتھ ہی سٹیڈیم میں داخل ہوں اور اگر وہ اسٹیڈیم سے باہر نکلتے ہیں تو دوبارہ داخلے کی اجازت نہیں دی جائے گی۔

چار سال سے اوپر کے بچوں کو ٹکٹ کی ضرورت ہوگی۔ گیٹ میچوں سے تین گھنٹے قبل کھلیں گے۔

(جاری ہے)

دبئی پولیس نے تماشائیوں کو اپنی گاڑیاں بے ہنگم طریقے سے پارک کرنے سے بھی خبردار کیا اور انہیں پارکنگ کے متعین جگہوں کو استعمال کرنے کا مشورہ دیا۔ سٹیڈیم میں فلم بندی اور فلیش فوٹو گرافی کی اجازت نہیں ہے، جو کہ سگریٹ نوشی کے لیے ممنوعہ علاقہ ہے۔ پولیس نے لوگوں سے کہا کہ وہ سٹیڈیم میں ممنوعہ اشیاء لے جانے سے گریز کریں۔