ہانگ کانگ کے کھلاڑی کی بھارت کیخلاف میچ کے بعد اپنی گرل فرینڈ کو شادی کی پیشکش

دبئی (اردو پوائنٹ تازہ ترین اخبار ۔ یکم ستمبر 2022ء ) ہانگ کانگ کے کرکٹر کنچت شاہ نے بھارت کے خلاف کھیل کے بعد اپنی گرل فرینڈ کو پرپوز کر کے ایشیاء کپ 2022ء کو اپنے لیے یادگار بنا لیا۔ کنچت شاہ کی کوششوں کا ویڈیو سوشل میڈیا پر وائرل ہوا کیونکہ اس کی گرل فرینڈ نے اس کی تجویز پر ہاں کر دی۔ 26 سالہ کھلاڑی 193 رنز کے تعاقب میں چوتھے نمبر پر بیٹنگ کرنے آئے اور 28 گیندوں پر 30 رنز بنانے میں کامیاب رہے۔

(جاری ہے)

تاہم، انہیں 18ویں اوور میں بھونیشور کمار نے آئوٹ کردیا ۔ ہانگ کانگ بالآخر 40 رنز سے یہ میچ ہار گیا تاہم میچ کے فوراً بعد کنچت دبئی انٹرنیشنل سٹیڈیم میں گھٹنوں کے بل گر گئے اور گرل فرینڈ کی جانب سے ان کی شادی کی پیشکش کی تجویز پر ہاں کرنے کے بعد وہ خوش ہو گئے۔