شاہین شاہ آفریدی نے دوبارہ بولنگ شروع کر دی

کراچی (اردو پوائنٹ تازہ ترین اخبار ۔ 24 ستمبر 2022ء ) پاکستانی فاسٹ بولر شاہین شاہ آفریدی نے گھٹنے کی انجری سے صحت یاب ہونے کے بعد بولنگ شروع کردی۔ ٹوئٹر پر شاہین نے بولنگ کرتے ہوئے اپنی ایک ویڈیو شیئر کی۔ ویڈیو پوسٹ ہوتے ہی شائقین اپنے پسندیدہ باؤلر کو ایکشن میں واپس دیکھنے کے لیے پرجوش ہو گئے۔

(جاری ہے)

شاہین اس وقت گھٹنے کی انجری سے بحالی کے لیے لندن میں ہیں۔

انہیں T20 ورلڈ کپ 2022ء اور نیوزی لینڈ میں سہ ملکی سیریز کے سکواڈ میں شامل کیا گیا تھا۔ گھٹنے کی انجری کی وجہ سے شاہین آفریدی ٹی ٹونٹی ایشیا کپ 2022ء اور انگلینڈ کے خلاف جاری ہوم T20I سیریز سے باہر ہو گئے تھے۔