نسیم شاہ کا کورونا ٹیسٹ مثبت آگیا

لاہور (اردو پوائنٹ تازہ ترین اخبار ۔ 29 ستمبر 2022ء ) قومی کرکٹ ٹیم کے فاسٹ بولر نسیم شاہ کا کوویڈ 19 ٹیسٹ مثبت آگیا ہے، وہ سیریز کے باقی میچز کے لیے دستیاب نہیں ہوں گے۔ ذرائع کے مطابق نسیم شاہ میں کورونا وائرس کی تشخیص سامنے آئی ہے، نسیم شاہ ابھی اسپتال میں ہی زیر علاج ہیں۔ پی سی بی نے گزشتہ روز نسیم شاہ کو نمونیا کی تشخیص کا بتایا تھا۔

(جاری ہے)

واضح رہے کہ پاکستان اور انگلینڈ کی ٹیموں کے درمیان چھٹا میچ کل بروز جمعہ کھیلا جائے گا۔

ذرائع کے مطابق نسیم شاہ کا ٹیم کے ہمراہ نیوزی لینڈ روانگی کا فیصلہ رپورٹس کی روشنی میں میڈیکل ٹیم کرے گی۔