انگلش ٹیم نے دورہ پاکستان کیلئے شیف کو سکواڈ کا حصہ بنالیا

لاہور (اردو پوائنٹ تازہ ترین اخبار ۔ 22 نومبر 2022ء ) انگلش ٹیم نے دورہ پاکستان کیخلاف تین میچوں پر مشتمل ٹیسٹ سیریز کے لیے سکواڈ میں ایک شیف کو بھی شامل کرلیا۔ کرک انفو کی رپورٹ کے مطابق ٹی20 ورلڈکپ سے قبل انگلش ٹیم نے سات ٹی ٹوئنٹی میچز کیلئے پاکستان کا دورہ کیا تھا، جس میں کھلاڑیوں اور سپورٹ سٹاف نے کھانے سے متعلق رائے دی تھی کہ زیادہ اچھا نہیں تھا جبکہ بعض کھلاڑیوں کو پیٹ کی خرابی کا سامنا بھی کرنا پڑا تھا۔

(جاری ہے)

رپورٹ میں کہا گیا ہے کہ عمر میزان انگلینڈ ٹیم کے شیف ہوں گے، انہوں نے 2018ء کے فیفا ورلڈ کپ اور یورو 2020ء کے دوران انگلینڈ کی مینز ٹیم کے ساتھ کام کیا تھا۔ یہ پہلا موقع ہے کہ انگلینڈ اینڈ ویلز کرکٹ بورڈ بیرون ملک دورے کے لیے خاص طور پر ملازم شیف کو لارہا ہے۔