پاک انگلینڈ ٹیسٹ سیریز، ٹرافی کی تقریب رونمائی ملتوی

راولپنڈی (اردو پوائنٹ تازہ ترین اخبار ۔ 30 نومبر 2022ء ) انگلش کپتان کی طبیعت ناسازی کے باعث پاک انگلینڈ ٹیسٹ سیریزکی ٹرافی کی تقریب رونمائی ملتوی کردی گئی ۔ نجی ٹی وی چینل "دنیا نیوز" کے مطابق پاک انگلینڈ ٹیسٹ سیریز کی ٹرافی کی تقریب رونمائی ملتوی کردی گئی، انگلش کپتان کی طبیعت ناسازی کے باعث تقریب ملتوی کی گئی ، ٹیسٹ سیریز کی ٹرافی کی تقریب رونمائی کل ہو گی ۔

یاد رہے کہ انگلینڈ کرکٹ ٹیم کے متعدد کھلاڑی وائرل انفیکشن کا شکارہوگئے ، طبیعت خراب ہونے پر ٹیم مینجمنٹ نے کھلاڑیوں کو آرام کا مشورہ دیدیا۔ انگلینڈ کرکٹ بورڈ نے کہا کہ انگلینڈ کے بیشتر کھلاڑی آج پریکٹس سیشن میں حصہ نہیں لیں گے، ہیری بروک، زیک کرالی، اولی پاپ، جوروٹ اور کیٹن جیننگز سیشن میں شامل نہیں ، کپتان بین سٹوکس طبیعت ناسازی کے باعث پریکٹس سیشن میں حصہ نہیں لیں گے ۔

(جاری ہے)

واضح رہے کہ پاکستان اور انگلینڈ کے درمیان ٹیسٹ سیریز کا پہلا میچ یکم دسمبر سے راولپنڈی میں کھیلا جائے گا ، یکم دسمبر کو کھیلا جانے والا ٹیسٹ میچ دونوں ملکوں کے درمیان پاک سرزمین پر 17 سال بعد پہلا ٹیسٹ ہوگا۔