ایلکس ہیلز کا بنگلادیش کیخلاف سیریز کے بجائے پی ایس ایل کھیلنے کا فیصلہ

پی ایس ایل میچز مِس کرنے پر ہیلز کو بڑی رقم سے محروم ہونا پڑ سکتا تھا، بغیر کنٹریکٹڈ پلیئر ہونے پر ہیلز کو ون ڈے کے 5 ہزار اور ٹی ٹونٹی کے ڈھائی ہزار پاؤنڈز ملنا تھے

Zeeshan Mehtab ذیشان مہتاب منگل 31 جنوری 2023 12:32

ایلکس ہیلز کا بنگلادیش کیخلاف سیریز کے بجائے پی ایس ایل کھیلنے کا فیصلہ
لاہور (اردو پوائنٹ تازہ ترین اخبار ۔ 31 جنوری 2023ء ) برطانوی کرکٹر ایلکس ہیلز نے نیشنل ڈیوٹی پر پی ایس ایل کو ترجیح دینے کا فیصلہ کیا ہے، انگلش بیٹر بنگلا دیش کیخلاف سیریز نہیں کھیلیں گے۔ برطانوی میڈیا کے مطابق ایلکس ہیلز انگلینڈ بنگلا دیش سیریز کی بجائے پی ایس ایل 8 کھیلیں گے، ہیلز پاکستان سپر لیگ میں اسلام آباد کی نمائندگی کریں گے۔ پی ایس ایل 8 کھیلنے کے ایلیکس ہیلز کو مجموعی طور پر 1 لاکھ 80 ہزار ڈالر ملیں گے۔

(جاری ہے)

واضح رہے کہ انگلینڈ ٹیم نے یکم سے 14 مارچ تک بنگلا دیش سے سیریز کھیلنی ہے، بغیر کنٹریکٹڈ پلیئر ہونے پر ہیلز کو ون ڈے کے 5 پزار اور ٹی ٹونٹی کے ڈھائی ہزار پاؤنڈز ملنا تھے۔ پی ایس ایل کے میچز مس کرنے پر ایلکس ہیلز کو بڑی رقم سے محروم ہونا پڑ سکتا تھا۔                                                                                                                                                                                              
وقت اشاعت : 31/01/2023 - 12:32:43

مزید متعلقہ خبریں پڑھئیے‎ :