جسپریت بمراہ آئی پی ایل سے باہر ، کمر کی سرجری کا امکان
بھارتی پیسر جون میں ہونے والی ورلڈ ٹیسٹ چیمپئن شپ کے فائنل کے لیے بھی دستیاب نہیں ہوں گے
ذیشان مہتاب بدھ 1 مارچ 2023 13:39
ممبئی (اردو پوائنٹ تازہ ترین اخبار ۔ یکم مارچ 2023ء ) انڈیا کے سٹار فاسٹ باؤلر جسپریت بمراہ کو انڈین پریمیئر لیگ (آئی پی ایل) 2023 سے باہر کردیا گیا ہے۔ فاسٹ باؤلر کمر کی تکلیف کے باعث گزشتہ سال ستمبر سے ایکشن سے باہر ہیں۔ ذرائع کے مطابق بمراہ اس مسئلے سے مکمل طور پر صحت یاب ہونے کے لیے کمر کی سرجری کروا سکتے ہیں۔ آئی پی ایل 31 مارچ سے شروع ہو رہا ہے اور بمراہ کی انجری نے روہت شرما کی قیادت والی ممبئی انڈینز کو بڑا جھٹکا دیا ہے۔
این ڈی ٹی وی نے ذرائع کے حوالے سے بتایا کہ بمراہ جون میں ہونے والی ورلڈ ٹیسٹ چیمپئن شپ کے فائنل کے لیے بھی دستیاب نہیں ہوں گے۔ انڈیا کے ٹیسٹ چیمپئن شپ کیلئے کوالیفائی کرنے کا سب سے زیادہ امکان ہے۔
جسپریت بمراہ کمر کی انجری کے باعث اگست میں ایشیا کپ سے باہر ہوئے تھے جس کے بعد سے انہوں نے کئی بار ٹیم میں واپسی کی کوشش کی ہے۔
ابتدائی طور پر ان کی انجری کو سنجیدہ نہیں لیا گیا اور ستمبر میں انہیں ٹی ٹونٹی ورلڈ کپ کے سکواڈ میں شامل کیا گیا ، یہاں تک کہ انہوں نے 23 اور 25 ستمبر کو آسٹریلیا کے خلاف آخری دو ٹی ٹونٹی میچز بھی کھیلے تھے۔
بمراہ نے نومبر میں دوبارہ بحالی شروع کی اور دسمبر کے وسط میں باؤلنگ شروع کی لیکن جنوری میں فٹنس مشقوں کے دوران انہیں تکلیف دوبارہ شروع ہوئی جس کے بعد وہ سری لنکا اور پھر آسٹریلیا کے خلاف سیریز سے باہر ہوئے۔ ہندوستانی ٹیم مینجمنٹ اور کپتان روہت شرما چاہتے ہیں کہ بمراہ مکمل فٹنس حاصل کرنے کے بعد ہی ٹیم میں واپس آئیں۔ روہت شرما نے بمراہ کو مکمل فٹنس سے پہلے ٹیم میں لانے کے خلاف وارننگ بھی دے رکھی ہے۔
(جاری ہے)
وقت اشاعت : 01/03/2023 - 13:39:55
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
نیوزی لینڈ نے پاکستان کو چوتھے ٹی ٹونٹی میں سنسنی خیز مقابلے کے بعد 4 رنز سے شکست دیدی
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
لاہور پولیس کے پاکستان نیوزی لینڈ ٹی ٹونٹی کرکٹ سیریز کے پُرامن انعقاد کیلئے فول پروف سکیورٹی انتظامات
-
ویسٹ انڈیزکیخلاف قومی ویمن ٹیم کی مایوس کن کارکردگی
-
بسمہ معروف کا کرکٹ سے فوری ریٹائرمنٹ کا اعلان