پی ایس ایل 8 ، شعیب ملک پیسرز کے سامنے بے بس، ایونٹ میں 6 بار نشانہ بنایا

لاہور (اردو پوائنٹ تازہ ترین اخبار ۔ 7 مارچ 2023ء ) پی ایس ایل 8 میں پیسرز کا شعیب ملک پر غلبہ رہا، انہیں ایونٹ میں 6 بار نشانہ بنایا گیا۔ پاکستان سپر لیگ کے آٹھویں ایڈیشن میں 41 سالہ سابق قومی کپتان شعیب ملک فاسٹ بولرز کیخلاف زیادہ موثرکارکردگی پیش نہیں کرپائے، وہ 6 بار پیسرز کا شکار بنے، اس دوران اوسط 17.66 اور سٹرائیک ریٹ 130.86 رہا۔

(جاری ہے)

دوسری جانب مارٹن گپٹل اور شان مسعود بھی 6، 6 بار فاسٹ بولرز کا نشانہ بنے، رومن پاول اور فخر زمان کو 5،5 بار پیسرز نے شکار بنایا۔

واضح رہے کہ راولپنڈی کرکٹ سٹیڈیم میں کھیلے گئے لیگ کے 22 ویں میچ میں کوئٹہ گلیڈی ایٹرز نے 165 رنز کا ہدف کراچی کنگز کو 4 وکٹوں سے شکست دے کر ایک گیند قبل پورا کرلیا تھا۔