احسان اللّٰہ کے باؤنسر سے افغان بیٹر زخمی

لاہور (اردو پوائنٹ تازہ ترین اخبار ۔ 28 مارچ 2023ء ) پاکستان کرکٹ ٹیم کے فاسٹ بولر احسان اللّٰہ کی گیند کھیلنے میں ناکامی کے باعث افغان بیٹر نجیب اللّٰہ زادران زخمی ہوگئے۔ پیر کو شارجہ میں کھیلے گئے تیسرے ٹی ٹونٹی میچ میں افغانستان کی اننگز کے 11ویں اوور میں نجیب اللّٰہ زادران پہلی ہی گیند پر زخمی ہو کر گراؤنڈ سے باہر چلے گئے اور میچ ختم ہونے تک بیٹنگ کے لیے نہ آئے۔

(جاری ہے)

میچ کے 11 ویں اوور میں احسان اللّٰہ نے افغان بیٹر کو باؤنسر کرائی جو وہ کھیلنے میں ناکام رہے اور گیند ہیلمٹ کے اندر سے چہرے کے نچلے حصے پر لگی اور خون نکلنے لگا۔ واضح رہے کہ 3 ٹی ٹونٹی میچوں کی سیریز کے آخری میچ میں پاکستان نے افغانستان کو 66 رنز سے شکست دی تھی۔