پاکستان کے 38 سالہ انٹرنیشنل سنوکر پلیئر محمد بلال دل کا دورہ پڑنے سے انتقال کرگئے

لاہور (اردو پوائنٹ تازہ ترین اخبار ۔ 27 مئی 2023ء ) پاکستان کے انٹرنیشنل سنوکر پلیئر محمد بلال انتقال کرگئے۔ 38 سالہ محمد بلال کا انتقال حرکت قلب بند ہوجانے کے سبب ہوا، ان کی نماز جنازہ آج بعد نماز ظہر منڈی بہاؤالدین میں ادا کی جائے گی۔ محمد بلال نے 2018ء میں ایشین 10 بال سنوکر چیمپئن شپ جیتی تھی۔

(جاری ہے)

2018ء کی ایشین 6 ریڈ بال چیمپئن شپ میں بلال رنر اپ رہے تھے، 2019ء میں انہوں نے اسجد اقبال کے ساتھ ورلڈ ٹیم چیمپئن شپ جیتی تھی۔

محمد بلال نے 2016ء اور 2019ء میں نیشنل سنوکر چیمپئن شپ بھی جیتی تھی۔ پی بی ایس اے کے چیئرمین عالمگیر شیخ اور مداحوں کی جانب سے محمد بلال کے انتقال پر اظہار افسوس کیا گیا ہے۔