حسن علی نے آسٹریلوی کرکٹر عثمان خواجہ کو ’گھر کا بھیدی‘ قرار دیدیا

کینبرا (اردو پوائنٹ تازہ ترین اخبار ۔ یکم دسمبر 2023ء ) قومی فاسٹ باولر حسن علی نے آسٹریلوی کرکٹر عثمان خواجہ سے متعلق ایسا حیرت انگیز انکشاف کر دیا جو شاہینوں کی ہار جیت میں اہم کردار ادا کر سکتا ہے۔ نجی ٹی وی ہم نیوز کےمطابق قومی ٹیسٹ کرکٹر حسن علی کا کہنا ہے کہ کینگرو بلے باز عثمان خواجہ اردو جانتے ہیں اور گراونڈ میں ہونیوالی ہماری گفتگو سن کر اپنی ٹیم کو ہماری پلاننگ بتا دیتے ہیں۔

(جاری ہے)

ان کا کہنا تھا کہ پاک آسٹریلیا سیریز میں عثمان خواجہ سے خبردار رہنا ہو گا۔ حسن علی کا کہنا ہے کہ عثمان خواجہ نے کراچی ٹیسٹ کے دوران ایسا ہی کیا، اب ان کے سامنے آسٹریلیا کیخلاف اپنائی کوئی حکمت عملی پر بات نہیں کریں گے۔ واضح رہے کہ پاکستان اور آسٹریلیا کے مابین ٹیسٹ سیریز 14 سے 18 دسمبر سے شروع ہو گی، دوسرا ٹیسٹ 26 سے 30 دسمبر جبکہ تیسرا ٹیسٹ 3 سے 7 جنوری کو کھیلا جائے گا۔