جنوبی افریقی ٹی20 لیگ، ویسٹ انڈین پلئیر فیبین ایلن کو ٹیم ہوٹل میں گن پوائنٹ پر لوٹ لیا گیا

جوہانسبرگ (اردو پوائنٹ تازہ ترین اخبار ۔ 6 فروری 2024ء ) ویسٹ انڈیز کے آل راؤنڈر فیبین ایلن کو ٹیم ہوٹل میں گن پوائنٹ پر لوٹ لیا گیا۔ میڈیا رپورٹس کے مطابق ویسٹ انڈیز کے 28 سالہ معروف کرکٹر فیبین ایلن کو جوہانسبرگ میں ٹیم ہوٹل میں گن پوائنٹ پر لوٹ لیا گیا، وہ رواں سیزن میں پارل رائلز کی نمائندگی کر رہے ہیں۔ رپورٹ میں کہا گیا ہے کہ ڈاکوؤں نے ایلن کا فون اور ذاتی سامان بھی لوٹ لیا، واقعہ سینڈٹن سن ہوٹل میں پیش آیا۔

(جاری ہے)

کرکٹر نے واقعے پر حیرانگی کا اظہار کرتے ہوئے کہا کہ ٹورنامنٹ میں پروفیشنل کرکٹرز کی ایسی سکیورٹی پر سوالات اٹھا دیئے ہیں۔ کرکٹ ویسٹ انڈیز اور پارل رائلز ٹیم نے واقعہ کی تصدیق کردی ہے۔ دوسری جانب جنوبی افریقی ٹی ٹونٹی لیگ ترجمان نے واقعہ پر تحقیقات کیلئے پولیس انکوائری شروع کردی ہے جب کہ فیبین ایلن نے کوئی بیان دینے سے انکار کردیا ہے۔