نیوزی لینڈ سیریز کے لیے پاکستانی سکواڈ کا اعلان تاخیر کا شکار

لاہور (اردو پوائنٹ تازہ ترین اخبار ۔ 5 اپریل 2024ء )  نیوزی لینڈ کے خلاف آئندہ پانچ میچوں کی ٹی ٹونٹی سیریز کے لیے پاکستانی اسکواڈ کا اعلان 8 اپریل سے پہلے نہیں کیا جا سکتا کیونکہ ذرائع کے مطابق سلیکٹرز اتوار کو ایک اور میٹنگ کریں گے۔ سکواڈ کا اعلان اس ہفتے ہونا تھا تاہم اب اس میں تاخیر ہوئی ہے۔ سلیکٹرز پہلے ہی کاکول میں کپتان بابر اعظم کے ساتھ سیریز کے امکانات پر بات چیت کے بعد لاہور واپس آچکے ہیں جہاں قومی اسکواڈ اس وقت پاک فوج کی زیر نگرانی فٹنس کیمپ میں حصہ لے رہا ہے۔

قبل ازیں بتایا گیا تھا کہ پانچ میچوں کی سیریز کے لیے زیر غور کھلاڑیوں میں بابر، صائم ایوب، محمد رضوان، صاحبزادہ فرحان، سلمان علی آغا، افتخار احمد، اعظم خان، شاداب خان، اسامہ میر، شاہین شاہ آفریدی، نسیم شاہ، عماد وسیم، محمد عامر، زمان خان، عثمان خان، وسیم جونیئر، عرفان نیازی اور عباس آفریدی۔

(جاری ہے)

جبکہ فخر زمان کے ہاتھ کی انجری کا جائزہ لیا جا رہا ہے۔

فاسٹ باؤلر حارث رؤف جو حال ہی میں ختم ہونے والی پاکستان سپر لیگ (پی ایس ایل) 9 کے دوران کندھے کی انجری کا شکار ہوئے تھے وہ مکمل طور پر فٹ نہیں ہیں اور وہ بحالی کا عمل جاری رکھیں گے۔ دریں اثناء یہ بھی اطلاعات ہیں کہ صف اول کے فاسٹ بولر شاہین کرکٹ بورڈ کی پالیسی کے مطابق نیوزی لینڈ سیریز کا ایک حصہ چھوڑ سکتے ہیں تاکہ ٹیم کے اہم فاسٹ باؤلرز پر بوجھ کم کیا جا سکے۔

اس بات کے امکانات ہیں کہ شاہین سمیت اہم فاسٹ باؤلرز کو سیریز کے پہلے حصے یا مہمانوں کے خلاف مکمل سیریز کے لیے آرام دیا جائے گا۔ دی نیوز نے منگل کو اطلاع دی کہ پیسرز کو غیر ضروری بوجھ سے بچانے اور نئے آنے والے کھلاڑیوں کی فارم اور فٹنس کو جانچنے کے لیے اس معاملے پر مشاورت جاری ہے۔ دوسری طرف جو تیز گیند باز واپسی کر رہے ہیں ان کے کیویز کے خلاف T20I سیریز میں شامل ہونے کے زیادہ امکانات ہیں۔ دونوں ٹیمیں 18، 20 اور 21 اپریل کو پنڈی کرکٹ سٹیڈیم راولپنڈی میں تین ٹی ٹوئنٹی میچ کھیلیں گی۔ اس کے بعد دونوں ٹیمیں لاہور جائیں گی جہاں وہ بالترتیب 25 اور 27 اپریل کو سیریز کے بقیہ دو ٹی ٹوئنٹی کھیلے گی۔