انگلینڈ اورپاکستان کی خواتین ٹیموں کے درمیان پہلا ون ڈے کل کھیلا جائے گا

ڈربی(اُردو پوائنٹ اخبارتازہ ترین - آن لائن۔ 22 مئی2024ء) انگلینڈ اور پاکستان کی خواتین ٹیموں کے درمیان 3ایک روزہ بین الاقوامی میچوں پر مشتمل سیریز کا پہلا کرکٹ میچ کل (جمعرات کو )کائونٹی گرائونڈ، ڈربی میں کھیلا جائے گا۔اس سے قبل دونوں ٹیموں کے درمیان کھیلی گئی تین ٹی ٹونٹی میچوں کی سیریز میں میزبان برطانوی خواتین ٹیم نے پاکستان کی ویمن ٹیم کو3-0سے کلین سویپ کیا تھا۔

(جاری ہے)

انگلینڈ کی ویمن ٹیم نے پہلے ٹی ٹونٹی میچ میں پاکستان ویمن کو 53 رنز ،دوسرے ٹی ٹونٹی میچ میں 65 رنز جبکہ تیسرے اور آخری ٹی ٹونٹی میچ میں 34 رنز سے شکست دی تھی۔تین ون ڈے میچوں کی سیریز میں میزبان انگلینڈ کی ویمن ٹیم کو ہیتھر نائٹ لیڈ کریں گی۔پاکستان ویمنز ٹیم کو ندا ڈار لید کریں گی۔ دونوں ٹیموں کے درمیان 3ون ڈے میچوں کی سیریز کا دوسرا میچ 26 مئی کو ٹائونٹن جبکہ تیسرا اور آخری ن ڈے میچ 29مئی کو چیلمس فورڈمیں کھیلا جائے گا۔