حسن علی ٹی ٹوئنٹی ورلڈ کپ کے اسکواڈ سے باہرہوگئے

اسلام آباد (اُردو پوائنٹ اخبارتازہ ترین - این این آئی۔ 22 مئی2024ء) فاسٹ بولر حسن علی کو پاکستان کے ٹی ٹوئنٹی کے اسکواڈ سے ریلیز کر دیا گیا۔ٹیم انتظامیہ کے مطابق حسن علی کانٹی کرکٹ کی اپنی کمٹمنٹ پوری کر سکتے ہیں۔ٹی ٹوئنٹی ورلڈ کپ کے لیے پاکستان کے ممکنہ 15رکنی اسکواڈ میں کپتان بابر اعظم، محمد رضوان، صائم ایوب اور فخر زمان شامل ہوں گے۔

(جاری ہے)

ذرائع کے مطابق عثمان خان، اعظم خان، افتخار احمد، محمد عامر، نسیم شاہ، شاہین آفریدی، حارث رف، عباس آفریدی اور شاداب خان اسکواڈ میں شامل ہوں گے۔

اس کے علاوہ پاکستان کے ٹی ٹوئنٹی اسکواڈ میں عماد وسیم اور ابرار احمد بھی شامل ہوں گے جبکہ سلمان علی آغا اور عرفان خان نیازی ریزروز میں شامل ہوں گے۔ٹی ٹوئنٹی ورلڈ کپ کے لیے 15رکنی اسکواڈ کا اعلان اگلے ایک دو روز میں ہو گا۔ایونٹ کے لیے 15رکنی اسکواڈ کے اعلان کی ڈیڈ لائن 24 مئی ہے۔واضح رہے کہ حسن علی انگلش کائونٹی وارکشائر کی نمائندگی کر رہے ہیں ان کو فاسٹ بولر حارث رف کے بیک اپ کے طور پر اسکواڈ میں شامل کیا گیا تھا۔