کوئٹہ گلیڈی ایٹرز کے سپنر عثمان طارق کا بولنگ ایکشن کلیئر قرار

13 اپریل کو لاہور قلندرز کے خلاف میچ میں گلیڈی ایٹرز کے عثمان طارق کا بولنگ ایکشن رپورٹ کیا گیا تھا

ذیشان مہتاب جمعرات 8 مئی 2025 10:16

کوئٹہ گلیڈی ایٹرز کے سپنر عثمان طارق کا بولنگ ایکشن کلیئر قرار

لاہور (اردو پوائنٹ تازہ ترین اخبار ۔ 8 مئی 2025ء ) پی ایس ایل 10 میں کوئٹہ گلیڈی ایٹرز کے اسپنر عثمان طارق کا بولنگ ایکشن کلیئر قرار دے دیا گیا۔

ترجمان پی سی بی کا کہنا ہے کہ عثمان طارق نے پی سی بی کے منظور شدہ بائیو مکینکس لیب میں ٹیسٹنگ کروائی، ان کا بولنگ ایکشن 13 اپریل کو پی ایس ایل میچ میں مشتبہ قرار دیا گیا تھا، ان کا بولنگ ایکشن لاہور قلندرز کے خلاف میچ کے دوران رپورٹ کیا گیا۔

(جاری ہے)

لاہور قلندرز کے خلاف کھیلے گئے میچ میں آن فیلڈ امپائر احسن رضا اور کرس براؤن نے عثمان طارق کا ایکشن رپورٹ کیا۔

ترجمان کرکٹ بورڈ کے مطابق کوئٹہ گلیڈی ایٹرز کی درخواست پر پی سی بی نے تیسٹ کی اجازت دی، عثمان طارق نے بولنگ ایکشن ٹیسٹ کامیابی سے کلیئر کرلیا۔

وقت اشاعت : 08/05/2025 - 10:16:13