انضمام الحق، شاہد آفریدی ایک بار پھر شارجہ میں ان ایکشن ہوں گے

کرکٹ کا آغاز ٹیپ بال سے کیا ، اب دوبارہ یہ کرکٹ شارجہ کے تاریخی میدان میں کھیل رہا ہوں : سابق آل رائونڈر

ذیشان مہتاب ہفتہ 24 مئی 2025 11:37

انضمام الحق، شاہد آفریدی ایک بار پھر شارجہ میں ان ایکشن ہوں گے

لاہور (اردو پوائنٹ تازہ ترین اخبار ۔ 24 مئی 2025ء ) کرکٹ کی دنیا کے سپر سٹار اور لیجنڈز شارجہ کے تاریخی میدان پر پاکستان میں مشہور کرکٹ فارمیٹ ٹیپ بال کھیلنے جمع ہوگئے ہیں۔

پاکستان کے سابق کپتان کرکٹ لیجنڈ انضمام الحق اور شاہد آفریدی بھی ٹیپ بال سے کرکٹ ایکشن میں نظر آرہے ہیں۔ اس دوران سری لنکا کے تلکارتنے دلشان بھی کرکٹ بیٹ تھامنے کو تیار ہیں۔

(جاری ہے)

انضمام الحق نے جیو نیوز کو بتایا کہ پاکستان میں کرکٹر کبھی نہ کبھی ٹیپ بال ضرور کھیلتا ہے، انہوں نے پروفیشنل کرکٹ سے ٹیپ بال کھیل کر کوئی انہونا یا ریوریس قدم نہیں اُٹھایا بلکہ یہ کرکٹ نئے ٹیلنٹ کو تلاش کرنے میں مدد دے گی۔

شاہد آفریدی بھی کرکٹ کھیلنے کیلئے پرجوش نظر آئے اور انہوں نے کہا کہ کرکٹ کا آغاز ٹیپ بال سے کیا اب دوبارہ یہ کرکٹ شارجہ کے تاریخی میدان میں کھیل رہا ہوں۔

سابق سری لنکن کپتان دلشان کا خیال کہ نیا ٹیپ بال فارمیٹ جلد عالمی افق پر نمودار ہونے جارہا ہے جہاں ماضی کے اسٹارز کے ساتھ نوجوانوں کو کھیلنے کا موقع ملے گا۔

واضح رہے کہ پاکستان کرکٹ اسٹار محمد حفیظ، سہیل تنویر، تیسرا کے موجد سعید اجمل، عمران نذیر، شرجیل خان، عمر اکمل بھی شارجہ کے میدان میں اتر چکے ہیں۔

وقت اشاعت : 24/05/2025 - 11:37:49