ْبین الاقوامی کوچز کی دستیابی پاکستان ہاکی فیڈریشن کیلئے ایک بڑا مسئلہ ہے،محی الدین وانی

اسلام آباد(اُردو پوائنٹ اخبارتازہ ترین - این این آئی۔ 02 جولائی2026ء) سیکرٹری بین الصوبائی رابطہ محی الدین وانی نے کہاہے کہ بین الاقوامی کوچز کی دستیابی پاکستان ہاکی فیڈریشن کیلئے ایک بڑا مسئلہ ہے،پاکستان ہاکی فیڈریشن کے اکاؤنٹ میں 40 کروڑ روپے موجود ہیں،تمام فنڈز کھلاڑیوں کے لیے مختص ہیں،جونیئر ہاکی ٹیموں کے غیر ملکی دورے بھی جلد ہوں گے۔

ورلڈ اسپورٹس جرنلسٹس ڈے کی تقریب اور رسجا کے نو منتخب اراکین کی حلف برداری تقریب سے خطاب کرتے ہوئے وفاقی سیکرٹری نے کہاکہ اخبارات میں کھیلوں کا صفحہ ہمیشہ سے قارئین کی توجہ کا مرکز رہا ہے۔انہوںنے کہاکہ وزارتِ بین الصوبائی رابطہ کے تحت 44 اسپورٹس فیڈریشنز کام کر رہی ہیں،وزارتِ بین الصوبائی رابطہ کی ترجیحات میں کھیلوں کا فروغ شامل ہے۔

(جاری ہے)

انہوںنے کہاکہ بین الاقوامی کوچز کی دستیابی پاکستان ہاکی فیڈریشن کے لیے ایک بڑا مسئلہ ہے۔انہوںنے کہاکہ پاکستان ہاکی فیڈریشن کے اکاؤنٹ میں 40 کروڑ روپے موجود ہیں۔انہوںنے کہاکہ تمام فنڈز کھلاڑیوں کیلئے مختص ہیں،جونیئر ہاکی ٹیموں کے غیر ملکی دورے بھی جلد ہوں گے۔انہوںنے کہاکہ کوریا کا دورہ پاکستان، ایشین گیمز اور چین کا دورہ قومی ہاکی ٹیم کی آئندہ سرگرمیوں میں شامل ہیں۔ انہوںنے کہاکہ بین الاقوامی کوچز کو مختلف سطح کے کوچز کے ساتھ منسلک کیا جائے گا۔