پاکستان کرکٹ ٹیم دو ٹیسٹ میچز کی سیریز کھیلنے کیلئے ٹرینیڈاڈ اینڈ ٹوباگو پہنچ گئی

لاہور (اُردو پوائنٹ اخبارتازہ ترین - اے پی پی۔ 15 جولائی2026ء) پاکستان کرکٹ ٹیم دو ٹیسٹ میچز کی سیریز کھیلنے کے لیے ٹرینیڈاڈ اینڈ ٹوباگو پہنچ گئی ہے۔ قومی ٹیسٹ سکواڈ (آج) جمعرات کو آرام کرے گا، جبکہ ٹیم جمعہ سے باقاعدہ پریکٹس سیشن کا آغاز کرے گی۔

(جاری ہے)

ترجمان پی سی بی کےمطابق دورہ ویسٹ انڈیز کے دوران پاکستان اور میزبان ٹیم کے درمیان دو ٹیسٹ میچز کی سیریز کھیلی جائے گی۔ سیریز کی تیاری کے سلسلے میں قومی ٹیم 18 سے 21 جولائی تک چار روزہ پریکٹس میچ بھی کھیلے گی تاکہ کھلاڑی کنڈیشنز سے ہم آہنگ ہو سکیں۔پاکستان اور ویسٹ انڈیز کے درمیان سیریز کا پہلا ٹیسٹ میچ 25 جولائی سے شروع ہوگا، جس کے لیے دونوں ٹیموں کی تیاریاں جاری ہیں۔