عارف سعید کی یومِ آزادی پر پوری قوم بالخصوص ملک کے نوجوانوں کو دلی مبارکباد

لاہور (اُردو پوائنٹ اخبارتازہ ترین - اے پی پی۔ 14 اگست2026ء) پاکستان اولمپک ایسوسی ایشن کے صدر عارف سعید نے یومِ آزادی کے موقع پر پوری قوم بالخصوص ملک کے نوجوانوں کو دلی مبارکباد پیش کی ہے۔اپنے پیغام میں عارف سعید نے نوجوانوں، بالخصوص لڑکوں اور لڑکیوں پر زور دیا کہ وہ ذہنی نشوونما کے ساتھ ساتھ جسمانی ورزش اور کھیلوں کو بھی اپنی زندگی کا لازمی حصہ بنائیں۔

(جاری ہے)

انہوں نے قوم پر زور دیا کہ پاکستان کے تمام کھیلوں اور قومی ٹیموں کی بھرپور حوصلہ افزائی کی جائے، کیونکہ پاکستانی پرچم تلے حاصل ہونے والی ہر کامیابی پوری قوم کی مشترکہ کامیابی ہے۔پاکستان اولمپک ایسوسی ایشن کے صدر نے قوم سے اپیل کی کہ ایشیئن گیمز سمیت آئندہ بین الاقوامی کھیلوں میں پاکستان کی نمائندگی کرنے والے کھلاڑیوں اور ٹیموں کے لیے خصوصی دعائیں اور بھرپور تعاون کیا جائے تاکہ وہ عالمی سطح پر ملک کا نام روشن کر سکیں۔پاکستان اولمپک ایسوسی ایشن نے یومِ آزادی کے موقع پر قوم کے لیے کامیابی، اتحاد، امن اور خوشحالی کی نیک خواہشات کا اظہار کرتے ہوئے پاکستان کے لیے مزید کھیلوں کی کامیابیوں کی دعا کی ہے۔