ارجنٹینا سے 3-5 سےعبرتناک شکست، بھارت ہاکی ورلڈ کپ سے باہر ہو گیا

پاکستان ہاکی ٹیم بھی ورلڈ کپ سے باہر ہوچکی ہے

ذیشان مہتاب منگل 25 اگست 2026 10:34

ارجنٹینا سے 3-5 سےعبرتناک شکست، بھارت ہاکی ورلڈ کپ سے باہر ہو گیا

ایمسٹرڈیم (اردو پوائنٹ تازہ ترین اخبار ۔ 25 اگست 2026ء ) ہاکی ورلڈ کپ میں ارجنٹینا سے عبرتناک شکست کے بعد بھارتی ٹیم میں ایونٹ سے آؤٹ ہوگئی۔

بھارتی ہاکی ٹیم ورلڈ کپ کے دوسرے راؤنڈ کے اہم پول میچ میں ارجنٹینا کے خلاف توقعات پر پورا نہ اتر سکی اور 3-5 سے شکست کھا کر ٹورنامنٹ سے باہر ہو گئی۔

ارجنٹینا نے کھیل کے آغاز سے ہی بھارتی دفاع کو دباؤ میں رکھا اور میچ کے پہلے ہی منٹ میں خواکین توسکانی نے گول کر کے اپنی ٹیم کو برتری دلا دی۔

چھٹے منٹ میں نیکولس ڈیلا ٹورے نے پینلٹی کارنر پر دوسرا گول بھی کر دیا۔ بھارت کی جانب سے سکھجیت سنگھ نے 10ویں منٹ میں پہلا گول کر کے خسارہ کم کرنے کی کوشش کی، تاہم ارجنٹینا کے ٹامس ڈومین نے 33ویں اور 45ویں منٹ میں گول بنا کر برتری کو 1-4 کر دیا۔

(جاری ہے)

53ویں منٹ میں لوکاس توسکانی نے ارجنٹینا کا پانچواں گول داغ دیا، تاہم بھارت کی جانب سے سکھجیت سنگھ نے 58ویں منٹ میں اپنا دوسرا گول اور ہاردک سنگھ نے 59ویں منٹ میں پینلٹی اسٹروک پر ایک اور گول کیا، تاہم تب تک بہت دیر ہوچکی تھی۔

پول ای سے نیدرلینڈز پہلے ہی سیمی فائنل کے لیے کوالیفائی کر چکی ہے جبکہ تینوں میچز ہارنے کے بعد بھارتی ٹیم اب 7ویں یا 8ویں پوزیشن کے لیے میچز کھیلے گی۔

خیال رہے کہ پاکستان ہاکی ٹیم بھی ورلڈ کپ سے آؤٹ ہوچکی ہے، تاہم اب اسے 11ویں یا 12ویں پوزیشن کےلیے جنوبی افریقہ سے مقابلہ کرنا ہے۔

وقت اشاعت : 25/08/2026 - 10:34:37