Urdu Columns by Khalid Irshad Soofi (page 1)

خالد ارشاد صوفی معروف صحافی اور پاکستان میں فروغ تعلیم کے لیے سرگرم فلاحی ادارے کاروان علم فاؤنڈیشن کے ایگزیکٹو ڈائریکٹر ہیں۔اپنے صحافی کیرئیر کے دوران انہوں نے ملک کے موقر اخبارات و جرائد میں خدمات سرانجام دیں۔انکاتعلق میگزین جرنلزم سے ہے وہ ریڈیو پاکستان او ر ایف ایم101 پر کئی سال مختلف پروگرامز کی میزبانی بھی کرتے رہے۔رائل نیوز سے انہوں نے جہد مسلسل سے کامیابی حاصل کرنے والے افراد کے حالات زندگی پر مبنی (Motivational)پروگرام”جوہرقابل“ کے نام سے پیش کرتے رہے۔انہیں پاکستان میں کم وسیلہ طلبہ کو اعلیٰ تعلیم و تربیت سے آراستہ کرنے اور امتحانات میں اعلی کارکردگی کا مظاہرہ کرنے والے طلبہ کی قومی سطح پر تکریم اور صلاحیتوں کر سہرانے کے لیے قائم کیے گئے ادارے کاروان علم فاؤنڈیشن کے بانی رکن ہونے کا اعزاز حاصل ہے۔انہیں2004میں آل پاکستان نیوزپیپر سوسائٹی(APNS) کی طرف سے بہترین فیچر نگار کا ایوارڈ بھی مل چکاہے نامساعد حالات ،بنیادی سہولیات کے فقدان ،معذوری اور پسماندہ علاقوں سے تعلق رکھنے کے باوجود اپنے عزم و ہمت سے اعلیٰ تعلیمی کارکردگی کا مظاہرہ کرنے والے جذبہ حصول علم سے لبریز طلبا وطالبات کی سچی کہانیوں پر مبنی ان کی تحریر کردہ کتاب”جوہرقابل“ بھی شائع ہوچکی ہے جسے پاکستان اور بیرون ملک مقیم پاکستانیوں کی جانب سے بے حد سراہا گیاہے۔وہ ان دنوں روزنامہ” نئی بات“ اور ”اردو پوائنٹ “کے لیے”ادراک “کے عنوان سے کالم بھی تحریر کرتے ہیں۔