وزیراعظم عمران خان !

پاکستان کے موجودہ سیاسی حالات بہت تیزی سے بدل رہے ہیں،الیکشن 2018پاکستان کی تاریخ کا پہلا الیکشن ہو گا جس میں پنجاب کی عوام محکمہ زراعت کے خلاف ووٹ کا سٹ کرے گی ، ورنہ محمکہ ذراعت والوں نے جمہوریت کی جنگ لڑنے والے بھٹو جاندان کو نشان عبرت بنایا تو پنجاب ساتھ کھڑا رہا، ، نواز شریف اینٹی بھٹو ووٹ سے سیاست دان بنا، اے این پی کو مار پڑتی رہی پنجاب سویا رہا، لمبی لسٹ ہے ہرآمریت کو پنجابیوں نے کندھا دیا،پہلی مرتبہ پنجاب میں اینٹی اسٹبلشمنٹ ووٹ کاسٹ ہوگا،شیرکے نشان پرجتنے ووٹ کاسٹ ہوں گے اینٹی خلائی مخلوق تصور کیے جائیں گے ،نوازشریف نے واپس آکر اپنے ماضی کے گناہوں کا کفارہ کسی حد تک دھو دیا ہے اگر وہ ڈٹا رہا تو ماضی کے گناہ بھی بخشے جائیں گے، وہ لیڈر بنکر نکلے گا اور مریم نواز، نواز شریف کی سیاسی وارث بن کرسامنے آئے گی، دنیا کی کوئی طاقت اسے لیڈر بننے سے نہیں روک سکے گی، جرنیلوں نے نوازشریف کو سیاست دان اور وزیر اعظم بنایا جرنیل ہی اسکو لیڈر بنا رہے ہیں ، محکمہ زراعت کی بدترین سیاسی انجیئرنگ پر پاکستان میڈٖیاچپ جبکہ دنیا کا میڈیا ٹھوک بجا کر پوسٹمارٹم کر رہا ہے،محکمہ زراعت پاکستانی ذرائع ابلاغ کو یرغمال بنا کرقوم کی آنکھوں پر کالی پٹی باندھنے کی ناکام کوشش کر رہا ہے،لیکن پوری دنیا میں اسکی حالت بہت پتلی ہوچکی ہے ،موجودہ سیاسی ماحول پہلی مرتبہ خلائی مخلوق کے خلاف جا رہا ہے جسکا نتیجہ ستر سال سے اعلانیہ اور غیر اعلانیہ حکومت کرنے والوں کے حق میں ہرگز نہیں نکلے گا،
نوازشریف کی واپسی فیصلہ کن دن تھا لیکن بزدل شہباز شریف نے نواز شریف کو دھوکہ دیا ،وہ لندن سے لاہور آگیا ،لیکن سپیڈو شہباز ہوائی اڈاے کا راستہ بھول گیا،دراصل اس نے ریڈ لائن کراس کرنا مناسب نہیں سمجھا،اور حکم پر یس سر یس سر پر عمل درآمد کیا،ورنہ آج نواز شریف جمہوریت کی جنگ 80فیصد جیت چکا ہوتا،
الیکشن 2018 کا رزلٹ سے عمران خان وزیراعظم بنے گا ، لیکن سیاسی استحکام اس ملک میں خواب بنا رہے گا ،
نواز شریف کے بیانیہ نے عمران خان کے وزیراعظم ہاوس پہنچنے والے راستے کی رکاوٹیں ہٹا دی ہیں ، محکمہ زراعت کے پاس ماسوائے خان کے کوئی آپشن نہیں بچا ،26 جولائی کو ن لیگ الیکشن رزلٹ تسلیم کرنے سے انکار کردیگی ، سندھ میں اگر پیپلز پارٹی کی حکومت نا بنی تو وہ ن لیگ کی آواز میں آواز ملائے گی ، مولانا فضل الرحمن بھی ہاتھ کھڑا کرے گا ،اے این پی کا بھی ساتھ ہوگا، ایم کیو ایم بھی آواز اٹھائے گی، جماعت اسلامی بھی اس الیکشن کو تسلیم نہیں کرے گی یوں یہ سب ملکر عمران کی حکومت کا جینا دو بھر کر دیں گے ،لیکن ن لیگ اور پیپلز پارٹی عمران خان کی حکومت کو غیر آئینی طریقے سے ختم کرنے کا ساتھ نہیں دیں گی ، نواز شریف کا بیانیہ وزیر اعظم عمران خان کی حکومت سمیت ہر سویلین حکومت کو جلا بخشے گا اور آکسیجن کا کام کرے گا ،کیونکہ نوازشریف کی مسلسل گولہ باری جمہوریت دشمن کیمپ پر ہو رہی ہے جس کا ہرآنے والی سویلین حکومت کو فائدہ ہوگا،
جو لوگ سمجھتے ہیں نوازشریف ذاتی جنگ لڑ رہا ہے ان کے لیے عرض ہے کہ اگر نوازشریف چپ کرکے وزارت عظمی چھوڑ دیتا ،یا نااہلی کے بعد چپ کرکے بیٹھ جاتا تو کب کے کیس ختم ہوچکے ہوتے، اگر نوازشریف آج اپنے بیانیہ سے ہٹ جائے تو کوئی ایک کیس بھی نہیں بچے گا،اب سوال یہ پیدا ہوتا ہے کہ نوازشریف اتنا بڑا نظریاتی کیسے بنا تو سادہ سا جواب ہے اسکی تیس سالہ سیاست کا نچوڑ ہے بے اختیاروزیر اعظم عوام کی جنگ نہیں لڑ سکتا، یہ بات بھٹوسمجھا مارا گیا، بینظیر سمجھی ماری گئی ، لیاقت علی خان مارا گیا،باقی بیس وزرائے اعظم بھی چپ کرکے چلتے بنے ، واحد نواز شریف ہے جو سویلین بالا دستی کی جنگ سینہ تان کر لڑ رہا ہے، اسکا انجام جو مرضی ہو لیکن اصل جمہوریت کا پودا نواز شریف نے لگا دیا ہے جو ایک دن تنا درخت ضرور بنے گا اور قوم اسکے سائے سے مستفید ہو گی،
کالم کے آخر میں دو لائنیں اپنے شعبہ صحافت کی، اتنی بزدل ، مفاد پرست ، بکاو،جرنلزم میں نے کتابوں میں نہیں پڑھی جو اپنی آنکھوں سے دیکھ رہا ہوں ، ضیا، مشرف دور میں بھی صحافیوں نے کوڑے کھائے صوبتیں برداشت کی مقدمات کا سامنا کیا لیکن قلم کا سودا نہیں کیا، موجودہ پاکستانی میڈیا نا تو مرد ہے نا عورت ، نا طوائف ہے نا کھسرا، یہ کوئی اور قسم کی چیز ہے جو خود تو تباہ ہوہی رہی ہے ساتھ ریاست کا بھی بیڑہ غرق کر رہی ہے اسکو کیا نام دوں اردو میں مجھے نہیں مل رہا ۔

(جاری ہے)

۔۔
شکریہ نواز شریف اور مریم نواز آپ دونوں نے عمران خان کا وزیر اعظم بنانا نوشتہ دیوار پر خود لکھ دیا پچیس کو بس اعلان ہونا باقی ہے ۔۔۔۔۔۔۔۔۔