بابا ئے پشتو صحافت کی جدائی
جمعرات 3 دسمبر 2020
(جاری ہے)
پیر سید علی شاہ صاحب کے ساتھ اکثر آنا جانا ہوتا ہے اسلیئے اُس کے ساتھ ہی بیٹھ گئے۔
سید علی شاہ صاحب علماء و طلباء کے ساتھ انتہائی محبت کرتے ہیں۔ مدارس اور رفاہی خدمات میں بھی پیش پیش رہتے ہیں اور ہر اپنے اور پرائے کے ساتھ خلوص دل سے اپنے بس کے مطابق تعاون کرتے رہتے ہیں۔پیر صاحب کے جدائی پر وہ بھی غمزدہ تھے اور والد صاحب کے وصال کے آنسو اُن کے آنکھوں میں جھلک رہے تھے۔ دعائے مغفرت کے بعد باتوں کے دوران دور ایک اُوپر دیوار پر پینٹر کی بڑی لکھائی پر سید علی شاہ صاحب کی نظر پڑی تو مجھے مخاطب کرکے بتایا کہ اُس دیوار کے پیٹنگ کو دیکھو۔ میں نے پیچھے دیکھا تو جلی حروف سے لکھا گیا تھا ”العظمت للّہ“ ”بڑائی صرف اللہ کیلئے ہے۔“ تو پیر علی شاہ گویا ہوئے کہ اس روڈ پر جگہ جگہ اس طرح لکھا گیا ہے مگر اس اشتہار پر کسی لکھنے والے کا نام نہیں ہوتا۔ یہ میرے مرحوم والد پیر سفید شاہ صاحب لکھواتے تھے۔ کیونکہ اللہ کے ساتھ اُ س کا خصوصی تعلق تھا۔ اس طرح خیر کے دیگر کام بھی چھپ چھپاکے کرتے تھے۔ کھبی ہم ساتھ کھڑے ہوتے تو جب نماز کا وقت ہوجاتا تو نماز پڑھنے جاتے اور ساتھ ہی راستے میں کھڑے ہوتے تو جوبھی گزرتا تو اس سے ہاتھ ملا لیتے اور فرماتے کہ بھائی/بیٹا نماز کا وقت ہے مسجد چلو۔ ہم کہتے کہ بابا جان آپ یہ کیا کررہے ہیں؟ وہ کہتے کہ یہ ثواب کا کام ہے مجھے چھوڑدو۔
پیر صاحب پشتو سے بہت لگاؤ رکھتے تھے اسی وجہ سے وحدت اخبار کا اجراء کیا۔پشاور میں روزنامہ جنگ کے سینئر صحافی گوہر علی نے اپنے صحافتی کیرئیر کا آغاز وحدت اخبار سے کیا تھا۔ ان کے مطابق وحدت نہ صرف ایک اخبار تھا اور پیر صاحب نہ صرف صحافی تھے بلکہ رووزنامہ وحدت ایک ادارہ اور پیر صاحب ایک استاد تھے جہنوں نے سنیکڑوں صحافیوں کو تربیت دی۔اسلیئے یہ ایک عام اخبار نہیں ہے بلکہ ایک صحافتی درس گاہ ہے جس نے انگنت نامور صحافی پیدا کئے ہیں۔
روزنامہ وحدت نے افغان جہاد کے دوران گران قدر خدمات انجام دیں اور نہ صرف افغان مجاہدین کی حوصلہ افزائی کی بلکہ پاکستان میں مقیم افغان مہاجرین اور مقامی لوگوں کے مابین محبت، بھائی چار اور ہم آہنگی کو فروغ دینے میں کلیدی کرداراداکیا۔
پیر صاحب کی گراتقدر صحافتی خدمات پر حکومت پاکستان کی جانب سے تمغہ حسن کارگردگی اور تمغہ امتیاز سے نوازا گیا۔جبکہ کئی ادبی اور صحافتی تنظیموں کی جانب سے انہیں مختلف ایوارڈز دیئے گئے۔ ال پاکستان نیوز پیپر سوسائٹی اور کاؤنسل آف پاکستان نیوز پیپرز ایڈیٹرز انہیں لائف ٹائم اچیومنٹ ایوارڈ دے چکی ہے۔ عالمی پشتو کانفرنس نے پیر صاحب کو بابائے پشتو صحافت کے منفرد اعزازسے نوازا تھا۔ پیر سید سفید شاہ ہمدرد آل پاکستان نیوز پیپر سوسائٹی کے فعال رکن رہے اور مرکزی عہدوں کے ساتھ ساتھ اے پی این ایس خیبر پختونخواہ کمیٹی کے کنوئیز اور سربراہ بھی رہے۔
ایک تاریخ ساز اور فعال صحافتی زندگی گزارنے کے بعد 97سال کی عمر میں پیر صاحب اپنے ہزاروں چاہنے والوں کو چھوڑ کر اپنے خالق حقیقی سے جاملے۔ اللہ پیر صاحب کی مغفرت نصیب فرماتے اور جنت الفردوس میں اعلٰی مقام عطاء فرمائے۔آمین
ادارہ اردوپوائنٹ کا کالم نگار کی رائے سے متفق ہونا ضروری نہیں ہے۔
تازہ ترین کالمز :
متعلقہ عنوان :
مجاہد خان ترنگزئی کے کالمز
-
ویلنٹائن ڈے کی حقیقت
منگل 15 فروری 2022
-
موسم سرما مومن کیلئے موسم بہار
جمعرات 20 جنوری 2022
-
سال نوکا جشن یا افسوس
ہفتہ 1 جنوری 2022
-
اولاد کی تربیت والدین کی اہم ذمہ داری
منگل 14 دسمبر 2021
-
باہمت اور بے ہمت لوگ
ہفتہ 27 نومبر 2021
-
شھید محمد زادہ آگرہ۔۔۔۔۔حق کا سچا سپاہی
جمعرات 18 نومبر 2021
-
میرے عظیم اور بہادر والد محترم!!!
جمعرات 21 اکتوبر 2021
-
اسلام مخالف بل نامنظور
اتوار 19 ستمبر 2021
مجاہد خان ترنگزئی کے مزید کالمز
کالم نگار
مزید عنوان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.