گلے کی ہڈی

اتوار ستمبر

Safder Ali Hydri

صفدر علی حیدری

سینکڑوں نوابی اور آزاد ریاستیں ہڑپ کر جائے والے خونی بھیڑیے کے لیے کیا عجب ہے کشمیر جنت نظیر گلے کی ہڈی بن گیا ہے
جسے نہ اگل پاتا ہے نہ نگل ۔
پون صدی کی خون آشام  تاریخ شاہد ہے کہ بھارتی سامراج کی چنگیزیت خاک چاٹتی رہی اور  اشرار بو لہبی کی چراغ مصطفوی کے آگے کبھی ایک نہیں چلی۔
حریت کی یہ شمع غیور کشمیریوں نے اپنے پاکیزہ لہو سے جلائی تھی پھر بھلا ظلم کی کوئی آندھی اسے کیوں کر بجھا پاتی ۔


 پھونکوں سے یہ چراغ بجھایا نہ جائے گا

کشمیریوں کو تائید ایزدی حاصل ہے جبھی تو شمع حریت  کی لو ہر گزرتے لمحے فروزاں سے فروزاں تر ہوتی چلی گئی
وہ شمع کیا بجھے جسے روشن خدا کرے
جواں سال حریت پسند وانی کی شہادٹ کے بعد سے تو بھارتی سرکار چین نہ کسی پہلو آئے کی جیتی جاگتی تصویر بن چکی ہے ۔

(جاری ہے)


اور تحریک اس شدت سے عروج کی جانب گامزن ہے کہ محسوس ہوتا ہے  آزادی کا سورج بس اب طلوع ہونے کو ہے
صبح روشن میں بہت دیر نہیں ہے لیکن
ابھی عجلت میں چراغوں کو بجھا مت دینا
بھارت کے حالیہ اقدامات سے ان کی بوکھلاہٹ واضح ہے

تم نے جس خون کو مقتل میں چھپانا چاہا
آج  وہ کوچہ  و  بازار  میں  آ  نکلا  ہے

آج دنیا میں صرف کشمیر گونجتا ہے ۔

عالمی ضمیر کو جس نے جھنجھوڑ کر رکھ دیا ہے ۔ درد مند دل رکھنے والا ہر انسان آج  اہل کشمیر کے ساتھ کھڑا ہے ۔وہ دن دور نہیں  جب کشمیری اپنی آزادی چھین لیں گے ۔
اقوام متحدہ اور انگلستان کو بطور خاص اپنا بھرپور کردار ادا کرنا ہوگا ۔
 اقوام متحدہ کو یہ ثابت کرنا ہوگا کہ وہ مسلمانوں کی بھی اتنی ہی ہمدرد ہے جتنی غیر مسلموں کی اور یہ بھی کہ وہ انسانوں کے درمیان کسی  فرق  کی قائل  نہیں۔


اور انگلستان پر آزادی ہند کے اس نامکمل ایجنڈے اور متنازعہ ترین مسئلے کو حل کرانے کی زمہ داری براہ راست عائد ہوتی ہے۔  انگلستان کو ماضی کی غفلت کا ازالہ کرنے کو آگے آنا ہو گا۔
بھارتی بزدل خود اس مسئلہ کو اقوام متحدہ کی سلامتی کونسل میں لے گئے اور
استصواب رائے کی آزادی کا وعدہ کیا ۔اور بعد میں حسب دستور مکر گئے
کشمیر کے عوام بھیڑ بکریاں نہیں کہ انہیں پچھتر لاکھ نانک شاہی میں کوئی غاصب ہنکا لے جائے۔

حریت پسند عوام نے اس ظالمانہ اقدام کی ہر فورم پر نفی کی ہے۔
اقوام متحدہ کا فرض ہے کہ وہ  اس فائیل کو نکالے جس پر ماہ وسال کی گرد جمی ہے ۔بھارت کے دماغ کی گرد جھاڑتے ہوئے اسے اس کا وعدہ یاد دلائے ۔ کشمیریوں کو اپنی تقدیر کا فیصلہ خود کرنے کا پیدائشی حق انہیں واپس دلائے ۔ پھر جو ان کا فیصلہ ہو گا وہ بھارت اور پاکستان کو بہر طور  قبول کرنا ہوگا
رب العزت سے دعا ہے کہ سید الشہدا کی بے مثال قربانی کے صدقے کشمیریوں کو انکی منزل سے ہم کنار کرے
آمین یا ربّ العالمین
© جملہ حقوق بحق ادارہ اُردو پوائنٹ محفوظ ہیں۔ © www.UrduPoint.com

تازہ ترین کالمز :

Your Thoughts and Comments

Urdu Column Gale Ki Haddi Column By Safder Ali Hydri, the column was published on 08 September 2019. Safder Ali Hydri has written 2 columns on Urdu Point. Read all columns written by Safder Ali Hydri on the site, related to politics, social issues and international affairs with in depth analysis and research.