گورنرسندھ محمد زبیر نے 17 ویں سندھ گیمز کا افتتاح کردیا
6 برس بعد منعقد ہونے والے سندھ گیمز میں کھلاڑیوں کو اپنی صلاحیتیں منوانے کا بھرپور موقع حاصل ہوگیا ہے،محمد زبیر کراچی کے شہری کھیل سے محبت کرتے ہیں ایک بار پھر مہمان نوازی کا بھرپور حق ادا کرینگے ، افتتاحی تقریب سے خطاب
جمعرات اپریل 20:30

(جاری ہے)
اس موقع پر گورنر سندھ نے کہا کہ 6 برس بعد منعقد ہونے والے سندھ گیمز میں کھلاڑیوں کو اپنی صلاحیتیں منوانے کا بھرپور موقع حاصل ہوگیا ہے ،کھلاڑی اپنی مہارت ، صلاحیت ،محنت اور لگن سے ہی نمایاں مقام حاصل کرسکتے ہیں ، سندھ کے کھلاڑی بہت با صلاحیت ہیں ،سندھ گیمز میں حصہ لینے والے کھلاڑیوں کو دنیا میں مقام اور پاکستان کا نام روشن کرنا ہے، سندھ گیمز میں فاتح کھلاڑی اپنے شہر جا کر ایک نئے جوش، جذبہ اور ولولہ کے ساتھ قومی اور پھر عالمی مقابلوں کی تیاری شروع کریں ۔
انہوں نے کہا کہ فخر سے کہتا ہوں کہ قومی ترقی کی شہ رگ کراچی کی رونقیں بحال ہو چکی ہیں ،شہر میں پاکستان سپر لیگ فائنل اور ویسٹ انڈیز کے ساتھ ٹی ٹونٹی سیریز میں لوگوں کے جوش وخروش نے یہ بات ثابث کردی ہے کہ پر امن شہر کے مکین کھیلوں سے والہانہ محبت رکھتے ہیں ، شہر میں ایک کے بعد ایک کھیلوں کے مقامی و بین الاقوامی مقابلے جاری ہیں ،مجھے امید ہے کہ ہم سب مل کر اقوام عالم میں کراچی کو امن پسند اور کھیلوں کے حب کے طور پر نمایاں مقام دلانے میں کامیاب ہو جائیں گے۔ انہوں نے کہا کہ کراچی کے شہری بجا طور پر مبار ک باد کے مستحق ہیں کہ جس طرح کرکٹ کے دونوں بڑے ایونٹس میں مہمان نوازی کا ثبوت دیا اسی طرح صوبہ بھر سے آئے ہوئے کھلاڑیوں کو بھی خوش آمدید کہنے کے ساتھ ساتھ گیمز کے اختتام تک مہمان نوازی کا حق ادا کرینگے اور لوگوں کو قریب لانے اور ان میں محبت اور یکجہتی کو فروغ دینے میں اہم کردار ادا کرینگے ۔گورنرمحمد زبیر نے کراچی کے شہریوں کو مخاطب کرتے ہوئے کہا کہ کراچی محبت کرنے والوں کا شہر ہے ، کراچی کے مکین سندھ گیمز میں اپنی فیملی کے ساتھ شرکت کریں اور شہر کے 15 مقامات پر ہونے والے مقابلوں میں ہمارے مستقبل کے معماروں کی بھرپور حوصلہ افزئی کریں ، مجھے یقین ہے کہ دوسرے شہروں سے آنے والے کھلاڑی اور آفیشلز یہاں سے خوشگوار یادیں لے کر جائیں گے ۔گورنرسندھ نے صوبائی وزیر کھیل ، سیکریٹری ، بوائے اسکائوٹس ، شہری اداروں با الخصوص پولیس کو مبارک باد دیتے ہوئے کہا کہ ان کی محنت، لگن اور کھیل سے والہانہ محبت سے ہی سندھ گیمز کا انعقاد یقینی ہوا۔واضح رہے کہ 4 روزہ گیمز میں سندھ بھر سے 3 ہزار سے زائد مرد و خواتین کھلاڑی حصہ لے رہے ہیں ، سندھ گیمز میں مردوں کے 30 اور خواتین کے 17 مقابلے شہر کے 15 مختلف مقامات پرکرائے جا رہے ہیں ۔ تقریب سے خطاب میں صوبائی وزیر سردار محمد بخش مہر نے کہا کہ ہماری حتی الامکان کوشش ہے کہ سندھ گیمز میں شریک کھلاڑیوں ، آفیشلز اور ٹیکنیکل آفیشلز کو رہائش ، ٹرانسپورٹ سمیت کھیلوں کے وینیو ز پر بہترین شہولیات فراہم کی جائیں ، ہر وینیو پر ڈاکٹر کی ٹیم اور ایمبولینس کی موجودگی کو بھی یقینی بنایا گیا ہے جبکہ کھلاڑیوں کی سیکیورٹی کو یقینی بنانے کے لئے سندھ رینجرز ، پولیس اور دیگر قانون نافذ کرنے والے اداروں کے اہلکارڈیوٹی انجام دیں گے ۔ سیکریٹری اسپورٹس ڈاکٹر نیاز عباسی نے 17 ویں سندھ گیمز کے انعقاد پر تمام متعلقہ اداروں کے تعاون کا شکریہ ادا کیا ۔مزید اہم خبریں
-
وزیر اعلی خیبر پختونخوا کاشمالی وزیرستان میں دہشتگردوں کے خلاف کاروائی میں سکیورٹی اہلکاروں کی شہادت پر افسوس کا اظہار
-
وزیراعلیٰ خیبرپختونخوا سے بونیر اور کالام کے الگ الگ وفود کی ملاقات
-
وفاقی حکومت کی خیبرپختونخوا حکومت کو منی مائیکروہائیڈل سٹیشنزکی تعمیر کے لئے تعاون کی پیشکش
-
حکومت ضد پر ڈٹی ہے ،یہ شرم کے مارے حکومت نہیں چھوڑ رہے ،انہیں ہر صورت جانا ہوگا ،مولانا فضل الرحمان
-
یورپی اقوام کے لیے کورونا ویکسین کی قلت
-
پی ڈی ایم کی پنڈی کی جانب مارچ: کیا حمایت کی کمی ہے؟
-
نوجوان نسل کے ذریعے ملک میںمحفوظ معاشرے کاقیام عمل میں لایا جاسکتا ہے ‘محمد سرور
-
وارننگ کے باوجود قوانین کی خلاف ورزی، پاکستان نے ترکش ائیرلائن پر جرمانہ عائد کر دیا
-
وزیراعظم نے ندیم افضل چن کا استعفیٰ منظور کرلیا
-
سپیکر قومی اسمبلی سے عبدالرشید ترابی کی ملاقات، مسئلہ کشمیر سمیت سیاسی امور پر تبادلہ خیال
-
پنجاب بھر کی صنعتوں کو گیس کی فراہمی معطل کردی گئی
-
سینیٹ انتخابات ،وزیراعظم نے جوڑ توڑ کیلئے چودھری پرویز الٰہی کو ٹاسک سونپ دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2021, UrduPoint Network
All rights of the publication are reserved by UrduPoint.com. Reproduction without proper consent is not allowed.