طلال چوہدری جیسا خانہ بدوش سیاست دان کل پرویز الہی کی گاڑی کے آگے بھنگڑا ڈال رہا تھا، شوکت بسرا

اس جیسے بو نے سیاستدان آصفزرداری پر تنقید کر کہ اپنا سیاسی قد کاٹھ بڑھانے کی کوشش کرتے ہیں، زرداری کی فہم و فراست اور سیاست کو دیکھ کر نواز شریف کے حواریوں کی چیخیں نکل رہی ہیں ْپیپلزپارٹی جنوبی پنجاب کے سیکرٹری اطلاعات شوکت بسرا کا چوہدری طلال کے بیانات پر ردعمل

پیر 30 اپریل 2018 23:22

لاہور (اُردو پوائنٹ اخبارتازہ ترین - آئی این پی۔ 30 اپریل2018ء) پاکستان پیپلزپارٹی جنوبی پنجاب کے سیکرٹری اطلاعات شوکت بسرا نے چوہدری طلال کے بیانات پر ردعمل کا اظہار کرتے ہوئے کہا ہے کہ جب سے نواز شریف نااہل ہوا ہے نااہل لیگ کو ہر چیز دو دو نظر آ رہی ہیں ا ۔

(جاری ہے)

طلال چوہدری جیسے بو نے سیاست دان آصف علی زرداری پر تنقید کر کہ اپنا سیاسی قد کاٹھ بڑھانے کی کوشش کرتے ہیں ،آصف علی زرداری کی فہم و فراست اور سیاست کو دیکھ کر نواز شریف کے حواریوں کی چیخیں نکل رہی ہیں ۔

انہوں نے کہا آنے والے الیکشن میں اپنی شکست کو دیکھ کر نااہل لیگ کے لوگ حواس باختہ ہو گئے ہیں ان کی قیادت منتیں ترلے کر کہ تھک گئی ہے پیپلزپارٹی کی قیادت سے مثبت جواب نہ آنے پر ہرزا رسائی شروع کر دی ہے شوکت بسرا نے کہا ن لیگ والے کل پھر آصف علی زرداری کے پا ئو ں پکڑیں گے۔آئندہ الیکشن میں پیپلزپارٹی ہی ملک بھر سے الیکشن جیتے گی اور حکومت بنائے گی ۔طلال چوہدری جیسا خانہ بدوش سیاست دان کل پرویز الہی کی گاڑی کے آگے بھنگڑا ڈال رہا تھا۔