مقبوضہ کشمیرِِِ ، بھارتی پولیس نے سوپور میں 5 نوجوان کوگرفتارکرلیا

منگل 15 مئی 2018 16:35

سرینگر ۔ (اُردو پوائنٹ اخبارتازہ ترین - اے پی پی۔ 15 مئی2018ء) مقبوضہ کشمیر میں بھارتی پولیس نے ضلع بارہمولہ کے علاقے سوپور میں رات کے دوران چھاپوں میں 5 نوجوانوں کو گرفتار کرلیا ہے۔ کشمیرمیڈیا سروس کے مطابق پولیس نے نوجوانوں کو سوپور کے علاقے زینہ گیر سے گرفتار کیاہے۔

(جاری ہے)

گرفتار نوجوانوں کی شناخت جہانگیر احمد ریشی، آزاد احمد بٹ ،نثار احمد بٹ، بشیر احمد نجار اور ارشد احمد ڈار کے طور پر ہوئی ہے۔

دریں اثناء کٹھ پتلی انتطامیہ نے جماعت اسلامی کے سینئر رہنما گلزار احمد بٹ اور ان کے فرزند عاقب احمد بٹ کی ڈسٹرکٹ جیل اسلام آباد منتقل کردیا ہے۔ انہیں بھارتی پولیس نے 10مئی کو ضلع اسلام آباد کے علاقے اورنیہال میں ان کے گھر سے گرفتار کیا تھا۔ بیج بہاڑہ پولیس سٹیشن کے ایس ایچ او نے کہا کہ دونوں باپ بیٹے پتھرائو کے واقعات میں ملوث ہیںاسی لیے ان کو نظربند کیاگیا ہے۔