پاکستان مسلم لیگ (ن) خضدار نے الیکشن مہم کا آغاز کرخ سے شروع کر دیا

خضدار(اُردو پوائنٹ اخبارتازہ ترین - آئی این پی۔ 02 جولائی2018ء) پاکستان مسلم لیگ (ن) ضلع خضدار نے الیکشن مہم کا آغاز کرخ سے شروع کر دیا، پاکستان مسلم لیگ (ن )کرخ کی جانب سے ریلی نکالی جو مختلف شاہراہوں سے ہو کر جلسہ گاہ مقامی ہوٹل پہنچ کر جلسے کی شکل اختیار کی ، جلسہ عام سے پاکستان مسلم لیگ ن خضدار کے صدر این اے 269 سے قومی اسمبلی سے نامزد امیدوار میر عبد الرحمن زہری نے خطاب کرتے ہوئے کہا کہ کرخ کے لوگوں کا جوش جزبہ نواب ثنائاللہ خان زہری سے دلی محبت کا واضح ثبوت ہے نواب ثنائاللہ زہری صرف کرخ نہیں بلکہ بلوچستان کے ہیرو ہیں نواب زہری نے کرخ میں ریکارڈ ترقیاتی کام کیے ہیں انہی کی بدولت آج کرخ عوام کے دلوں کی دھڑکن بن چکے ہیں۔

مسلم لیگ ن کرخ کے تحصیل صدر میر جمعہ خان شکرانی نے خطاب کرتے ہوئے کہا کہ کرخ میں دو گروپ ہیں ایک نواب ثنائاللہ خان زہری کا اور دوسرا جھوٹ دھوکہ فریب دینے والا گروپ ہے ۔

(جاری ہے)

انھوں نے کہا کہ مخالفین کی آنکھوں کی دید ختم ہوچکی ہے انھیں کرخ میں کام نظر نہیں آتے صرف تنقید کرنا ان کا وطیرہ بن چکا ہے انھوں نے کہا کہ ہم کسی اتحاد سے ڈرنے والے نہیں اور اتحادی ٹھیکداروں کے ڈالر کام نہیں کریں گے۔

کنوینشن سے وڈیرہ محمد فاروق جاموٹ نے خطاب کرتے ہوئے کہا کہ مسلم لیگ ن بغیر اتحاد کے جیت کر کامیابی سے ہمکنار ہوگی اور جن دوستوں نے الیکشن کے سلسلے میں اتحاد کیا وہ 25 جولائی کو ناکامی ان کا مقدر بنے گی۔عبد المنان موسیانی نے خطاب کرتے ہوئے کہا کہ کرخ میں آج کا تو پہلا ورکر کنوینشن ہے کرخ میں سمندری طوفان داخل ہو چکا ہے اور یہ طوفان مخالفین کو بہا کر لے جائیگا۔

حاجی غلام یسین جتک نے کہا کہ کرخ کے مسائل نواب زہری کے علاوہ کسی اور کوحل کرنے کی جرآت نہیں اور کوئی مائی کا لال پیدا ہی نہیں ہوا ہے انھوں نے کہا کہ ہماری پارٹی کا دفتر سارا سال کھلا رہا ہے اور کھلا رہے گا اور دیگر دوستوں کے دفاتر کو 25 جولائی کے بعد تالے لگ جائیں گے۔ورکر کنوینشن سے حبیب اللہ جتک نے خطاب کرتے ہوئے کہا کہ نواب ثنائاللہ خان زہری کے سمندری طوفانی کاروان نے یہ ثابت کرکے دکھایا کہ کرخ عوام کی محبت نواب زہری کے ساتھ ہے نواب صاحب نے اپنے دور وزارت اعلی میں پورے بلوچستان میں امن وامان کی فضا قائم کی ہے اور خاص کر کرخ میں ترقیاتی کاموں کا جال بچھا دیا ہے جمیعت کے ایم این اے اپنے 5 سال تو پورے کردئے لیکن کرخ میں ایک کمرہ دکھائے کوئی ایک ہینڈ پمپ دکھائے کچھ بھی ان نشانی نہیں ملے گی۔

کنوینشن سے ڈاکٹر محمد خان چھٹہ و دیگر نے خطاب کیا۔ کنوینشن میں پاکستان مسلم لیگ ن میں شمولیوں کا بھی تانتا رہا۔