الیکشن کے دوران ضابطہ اخلاق پر عمل کرنا سیاسی جماعتوں کے قائدین کی ذمہ داری ہے،مو لانا فضل الرحمن

ٹانک(اُردو پوائنٹ اخبارتازہ ترین - این این آئی۔ 20 جولائی2018ء) جے یو آئی کے مرکزی امیر اور متحدہ مجلس عمل کے صدر مولانا فضل الرحمن نے کہا ہے کہ الیکشن کے دوران ضابطہ اخلاق پر عمل کرنا سیاسی جماعتوں کے قائدین کی ذمہ داری ہے سیاست میں ایک دوسرے کا احترام ہونا چاہئے ہم نے اپنے کارکنوں کو ہدایات جاری کی ہوئی ہیں کہ وہ الیکشن کے ضابطہ پر عمل کو یقینی بنائیں اور مخالفین جو زبان ہمارے خلاف استعمال کر رہے ہیں ہمارے کارکن ان کے خلاف ایسی زبان استعمال نہ کریںاور ہم اسی کے قائل ہیں انہوں نے کہا کہ الیکشن کمیشن کی طرف سے ضابطہ اخلاق کی خلاف ورزی پر جاری ہونے والا نوٹس کے بارے میں مجھے کچھ علم نہیں ہے اور نہ ہی مجھے ابھی تک نوٹس ملا ہے روزانہ کے معمول میں اونچ نیچ آسکتی ہے لیکن پھر بھی ہم الیکشن کمیشن آف پاکستان کے شکر گزار ہیں کہ انہوں نے ہمیں اس طرف متوجہ کیا ۔

(جاری ہے)

ان خیالات کا اظہار انہوں نے جمعہ کے روز اسپین جامع مسجد ٹانک میںحلقہ این اے 37 اور پی کے 94 سے متحدہ مجلس عمل کے امیدواروں کی انتخابی مہم کے دوران میڈیا کے نمائندوں سے بات چیت کرتے ہوئے کیا ان کا کہنا تھا کہ نادیدہ قوتوں کے الیکشن پر اثر انداز ہونے کے حوالے سے جو تاثر قائم ہو گیا ہے میں سمجھتا ہوں کہ ایسی صورتحا ل نہیں ہے اور شائد الیکشن کے نتائج اس تاثر کے برعکس آئیںمقامی صحافیوں کے سوالوں کے جوابات پر مولانا فضل الرحمن کا کہنا تھا کہ ملک میں ہونے والے حالیہ دھماکے الیکشن پر اثر انداز نہیں ہوئے ہیں سیاسی جماعتوں کے قائدین اور عوام انتخابی مہم میں مصروف عمل ہیں ملک میں امن کے بڑے بڑے دعوے کئے جاتے ہیں لیکن جب خاص حالات میں ایسے واقعات سامنے اتے ہیں تو وہ امن کے دعوں کو دریا برد کر دیتے ہیںصوبہ میں نگران حکومت سے ہمیں کوئی سروکار نہیں نہ ہی ان کو زیر بحث لاتا ہوں کیونکہ نگران حکومت مختصر عبوری وقت کے لئے ہوتی ہے ان کا کام صوبہ میں شفاف الیکشن کرانا ہوتا ہے اور ہمارا کام الیکشن میں حصہ لینا دعاگو ہوں کہ نگرا ن صوبائی حکومت صوبہ میں شفاف الیکشن کرانے میں کامیاب ہو۔

انہوں نے کہا کہ متحدہ مجلس عمل کی سابقہ حکومت نے صوبہ میں بے شمار ترقیاتی کام کئے عوام کی فلاح و بہبود اور ان کے بنیادی مسائل کے حل کے لئے ترقی کا سفر جاری رکھا صوبہ بھر میں یونیورسٹیوں کے قیام کو یقینی بنا یا اور شہریوں کو صحت کی سہولیا ت مہیا کرنے کے لئے اضلاع کی سطح پر ہسپتالوں کو اے لیول تک پہنچایا متحدہ مجلس عمل کی حکومت میں نئے بجلی گھر بنائے گئے 100میگا واٹ کے قریب صوبہ کو بجلی مہیا کی گئی انہوں نے کہا کہ متحدہ مجلس عمل کی سابقہ حکومت نے صوبہ کی عوام کی خدمت کا سفر ایمانداری اور خلوص دل کے ساتھ سر انجام دیا اور ابھی تک متحدہ مجلس عمل کی حکومت پر کوئی بھی کیس سامنے نہیں ایا قدرتی آفت زلزلہ کے دوران متاثرین کی امداد کے لئے اس وقت کی متحدہ مجلس عمل کی حکومت کے پاس اربوں روپے کی امداد ائی جو صوبائی حکومت نے ایمانداری کے ساتھ زلزلہ زدگان پر خرچ کی اس وقت کی مرکزی حکومت جو ہماری مخالف تھی نے اعتراف کیا کہ امدادی رقم میں کہیں پر بھی ایک روپے کے کرپشن کی شکایت موصول نہیں ہوئی جو کہ متحدہ مجلس عمل کی سابقہ حکومت کے لئے ایک اعزاز کی بات تھی مولانا فضل الرحمن نے کہا کہ لوگوں کی خدمت کا جو سفر سابقہ ادوار میں متحدہ مجلس عمل نے شروع کیا تھا اس سفر کو ایمانداری کے ساتھ جاری رکھا جائیگا ٹانک کی غیور عوام نے ہمیشہ ہمارا ساتھ دیا یہ وفاداروں کی سر زمین ہے یہاں کے باسی بھی وفادار ہیں جے یو آئی ان کی شناخت ہے مفتی مرحوم ان کے رہبر تھے اور اج بھی ان کی نسبت برقرار رہے یہاں کی عوام متحدہ مجلس عمل کے امیدواروں کو بھاری اکثریت سے کامیاب کرا کر جے یو ائی سے اپنی وابستگی کا ثبوت دے گی۔