آلور میں بھارتی وزیر نوجوت سنگھ سدھو کا جلسہ، پاکستان زندہ باد کے نعرے لگ گئے

بھارت میں پاکستان کے حق میں نعروں پر بھارتی میڈیا سیخ پا ہو گیا

سمیرا فقیرحسین پیر 3 دسمبر 2018 11:19

بھارت (اُردو پوائنٹ تازہ ترین اخبار۔ 03 دسمبر 2018ء) :مقبوضہ کشمیر کے بعد نئی دہلی میں بھی 'پاکستان زندہ باد'' کے نعرے لگ گئے ہیں جس نے بھارت کی نیندیں اُڑا دی ہیں۔ تفصیلات کے مطابق آلور کے جلسے کے دوران بھارتی وزیر نوجوت سنگھ سدھو کے جلسے میں پاکستان کے حق میں نعرے لگے جس پر بھارتی میڈیا سیخ پا ہو گیا۔ راجھستان میں نوجوت سنگھ سدھو کے جلسے میں عوام نے پاکستان کے حق میں نعرے لگائے ، بھارتی شہریوں کی پاکستان سے محبت دیکھ کر تعصب پسند بھارتی میڈیا نے اپنا پراپیگنڈہ کرنا شروع کر دیا اور ماضی کی طرح اپنی روایتی ہٹ دھرمی اور زہر افشانی کو جاری رکھتے ہوئے پاکستان کے خلاف زہر اُگلنا شروع کر دیا۔

یاد رہے کہ اس سے قبل بھی نئی دہلی کی جواہر لال نہرو یونیورسٹی میں بھی ایسے ہی پاکستان کے حق میں نعرے لگے تھے جبکہ بھارتی ریاست اُترپردیش میں بھی پاکستان کے حق میں ریلی نکالی گئی تھی۔

(جاری ہے)

واضح رہے کہ پاکستان میں کرتارپور راہداری کا سنگ بنیاد رکھنے پر بھی بھارت ناخوش ہے اور پاکستان کے خلاف پراپیگنڈہ کر رہا ہے یہی نہیں بلکہ بھارت نے تو اپنے وزیر نوجوت سنگھ سدھو کو بھی نہیں بخشا اور اس سنگ بنیاد کی تقریب میں شرکت کرنے پر انہیں سخت تنقید کا نشانہ بنایا۔

اس سے قبل بھی وزیراعظم عمران خان کی تقریب حلف برداری میں شرکت کے لیے آنے پر بھارتی حکومت اور بھارتی میڈیا نے نوجوت سنگھ سدھو کے خلاف ہرزہ سرائی شروع کی اور انہیں غدار کہنا شروع کر دیا۔ سدھو کے خلاف ہرزہ سرائی اورانہیں غدار کہنے پرسکھ برادری نوجوت سنگھ سدھو کے حق میں سراپا احتجاج ہے اور احتجاج کے دوران بھارت میں پاکستان زندہ باد اور خالصتان زندہ باد کے نعرے لگائے گئے۔ سدھو کے حق میں احتجاج کرنے کے لئے بڑی تعداد میں سکھ برادری سڑکوں پر نکل آئی اور سدھو کو غدار کہنے والوں کے خلاف نعرے بازی بھی کی گئی۔