میرے والدایک مہینے کی تنخواہ میں گاڑی خرید سکتے تھے، عمران خان
1937ء میں ایک کمشنر یا بریگیڈیئرایک مہینے کی تنخواہ سے70تولے سونا خرید سکتا تھا، لیکن اب وزیراعظم کوملنےوالی تنخواہ سے بنی گالہ کا خرچہ بھی نہیں نکلتا،تنخواہوں اوراخراجات میں بہت فرق آگیا ہے، بس تھوڑا انتظار کرنا ہوگا۔ پشاورمیں تقریب سے خطاب
ثنااللہ ناگرہ جمعہ 14 دسمبر 2018 20:10
(جاری ہے)
لوگوں نے سمجھا کہ ہم نے وعدے نہیں کیے لیکن کوشش کی۔
جس پر لوگوں نے ہمیں ووٹ دیا۔انہو ں نے کہا کہ محمود خان ایک سادہ اور سچا انسان ہے۔ مجھے ایمانداری پر پورا اعتماد ہے۔ اگر کوئی آدمی جتنا بھی عقلمند ہو لیکن اگر وہ ایماندار اور دیانتدار نہیں تواس کا کوئی فائدہ نہیں۔ پنجاب کے لوگوں نے عثمان بزدار کو بڑا مذاق اڑایا۔پنجاب کے لوگوں کو ایسے وزیراعلیٰ کی عادت تھی جوگاڑیوں کا پروٹوکول، 35کروڑ خرچے سے جہاز استعمال کررہا ہے۔ لیکن یہاں ایک سادہ اور دلیروزیراعلیٰ ہے۔یہ مافیا کے خلاف کھڑے ہوگئے ہیں۔اسی طرح یہ دونوں وزیراعلیٰ کسی کے دباؤ میں نہیں آئیں گے۔مجھے خوشی ہوئی جب محمود خان نے شیلٹر ہوم دکھا یا جو انہوں نے غریبوں کیلئے بنایا ہے۔انہوں نے غریبوں کیلئے نام مہمان خانہ رکھا ہے۔اب یہ مہمان خانے 5بنائے جائیں گے۔عمران خان نے کہا کہ جس ملک کا تعلیم کا نظام غریب کو غریب اور امیر کو امیر کردے توملک کیسے فلاحی ریاست بنے گا؟ہم پہلی بار پورے پاکستان میں یکساں تعلیم کیلئے زور لگا رہے ہیں۔اسی طرح سرکاری اور نجی اسپتال بنائے گئے۔آہستہ آہستہ سرکاری اسپتال غریبوں اور نجی امیروں کیلئے بن گئے۔یہی وہ کامیابی کا راستہ ہے۔مدینہ کی ریاست کا راستہ بھی یہی ہے۔اللہ ہمیں نبی پاک ﷺ کے راستے پر چلنے کی ہدایت فرماتا ہے۔مدینہ کی ریاست توغریب تھی۔ لیکن اس کے باوجود نبی پاک ﷺ نے غریبوں کا ساتھ دیا۔یہی پاکستان کا مقصد تھا۔وزیراعظم عمران خان نے وزراء کو ہدایت کی ہے کہ تمام وزراء کو سب آفس جانا چاہیے،روز جانا چاہیے اور شام تک وہاں بیٹھنا چاہیے، مجھے کوئی نہ کہے کہ میری وزارت لے لی ہے۔اب مجھے یہ مسئلہ نہیں ہے کہ اگر کسی سے وزارت لے لی تووہ فاروڈ بلاک نہ بنالے لیکن اب ہمیں کوئی مسئلہ نہیں ہے۔اس لیے وزراء تمام پالیسیاں غریبوں کو مدنظر رکھ بنائیں۔ بیوروکریسی کی سوچ یہ ہے کہ سرمایہ کاری اچھی چیز نہیں ہے۔ لیکن ہم نے سرمایہ کاروں کیلئے آسانیاں پیدا کرنی ہیں۔ انہوں نے کہا کہ انگریز ہمارے نہیں تھے بلکہ وہ باہر سے آئے ہوئے تھے۔اس لیے وہ لوگوں کے ٹیکس کے پیسے پر گورنر ہاؤسز بنائے ، بڑے بڑے محلات بنائے جس میں ایک ایک آدمی رہتا تھا۔ جب انگریز یہاں سے گیا توہمارے حکمرانوں نے بھی وہی رویہ جاری رکھا ہوا ہے۔ہمارے لوگوں کو وہاں جانا چاہیے۔ گورنرہاؤس لاہور کی دیوار توڑنے کا اس لیے فیصلہ کیا کہ لوگ وہاں کی خوبصورتی سوچیں۔ انہوں نے کہا کہ ایک این جی او ترس نے پشاور میں پانچ شیلٹر ہومزمیں کھانا اور انتظامات کرنے کا اعلان کیا ہے۔ انہوں نے کہا کہ1937ء میں ایک کمشنر یا بریگیڈیئر اپنی ایک مہینے کی تنخواہ سے 70تولے سونا خرید سکتا تھا۔میرے والد جب 1950ء میں گورنمنٹ ملازمت میں آئے اور کام کررہے تھے توایک مہینے کی تنخواہ سے گاڑی خرید سکتے تھے۔لیکن اب حالات ایسے ہیں کہ مہنگائی کی وجہ سے ملازمین کی تنخواہیں کم ہوگئی ہیں۔ ہمیں یہ سمجھنا چاہیے کہ ملازمین کو جوتنخواہیں ملتی ہیں ان سے ان کا گزارا نہیں ہوتا۔انہوں نے کہا کہ اگر ہم نے اپنی گورننس ٹھیک کردی۔ تودنیا بھر سے پاکستان میں سرمایہ کاری کیلئے اتنا پیسا آئے گا کہ ہم اپنے بیوروکریٹس اور وزیراعظم ، وزراء کو اتنی تنخواہیں ملیں گی کہ اخراجات آسانی سے پورے ہوں گے۔وزیراعظم کوملنے والی تنخواہ سے بنی گالہ کا خرچہ نہیں نکلتا۔بس انتظار کرنا پڑے گا۔ انہوں نے کہا کہ ایگزون کمپنی 27سال بعد پاکستان آئی ہے انہوں نے ہمارے سمندر میں ایک جگہ دیکھی ہے جس میں انہوں نے ڈرلنگ شروع کردی۔ان کا کہنا ہے یہاں گیس کے ذخائر ہیں۔ انہوں نے کہا کہ امریکا پہلے ہمیں ڈومور کہتا تھا لیکن اب امریکا ہی ہمیں کہتا ہے کہ افغان طالبان سے بات کروا دو، پاکستان نے امریکا کی افغان طالبان سے بات کروائی ہے۔انہوں نے کہا کہ وزیراعظم عمران خان نے وزیراعلیٰ کے پی محمود خان کو ہدایت کی کہ اگر کوئی بیوروکریٹ کام نہیں کرتا تواس کیخلاف ایکشن لیں ۔ لوگوں نے ہمیں مینڈیٹ دیا ہے۔لوگ یہ نہیں سنیں گے کہ بیوروکریٹ نے کام نہیں کرنے دیا۔ لوگ ہمیں ڈنڈے ماریں گے۔مزید اہم خبریں
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
وزیر داخلہ محسن نقوی نے 3ماہ میں اسلام آباد کے تھانوں کی صورتحال بہتر کرنے کا اعلان کر دیا
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
پنجاب میں سموگ کے خاتمے کیلئے انوائرنمنٹل پروٹیکشن اتھارٹی بنانے کا فیصلہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.