بلاول بھٹو کی چاروں صوبوں میں ایک ایک شادی کرنےکی خواہش

”پہلے وزیراعظم کی شیروانی پہنیں گے یا شادی کریں گے؟“صحافی کا سوال، شادی کے حوالے سے اسٹریٹجک پلاننگ جاری ہے، چاروں صوبوں میں ایک ایک شادی کرنے کا سوچ رہا ہوں۔چیئرمین پی پی بلاول بھٹوکی کراچی پریس کلب میں میڈیا سے گفتگو

sanaullah nagra ثنااللہ ناگرہ ہفتہ فروری 18:01

بلاول بھٹو کی چاروں صوبوں میں ایک ایک شادی کرنےکی خواہش
کراچی (اردوپوائنٹ اخبارتازہ ترین۔ 02 فروری 2019ء) پاکستان پیپلزپارٹی کے چیئرمین بلاول بھٹو نے چاروں صوبوں میں ایک ایک شادی کرنے کی خواہش کا اظہار کردیا۔ انہوں نے کہا کہ شادی کے حوالے سے اسٹریٹجک پلاننگ جاری ہے۔ چاروں صوبوں میں ایک ایک شادی کرنے کا سوچ رہا ہوں۔وہ آج یہاں کراچی پریس کلب میں میڈیا سے گفتگو کررہے تھے۔ انہوں نے شادی کے ایک سوال”پہلے وزیراعظم کی شیروانی پہنیں گے یا شادی کریں گے؟“ کے جواب میں کہا کہ شادی کے حوالے سے اسٹریٹجک پلاننگ جاری ہے۔

چاروں صوبوں میں ایک ایک شادی کرنے کا سوچ رہا ہوں۔ الیکشن سے پہلے شادی کا فیصلہ کرنا ہے کہ ایک شادی کرنی ہے یا پھر چاروں صوبوں میں ایک ایک شادی کرنی ہے۔ انہوں نے کہا کہ جمہوریت پر حملے ہورہے ہیں۔ پیپلزپارٹی صحافیوں کیلئے سافٹ ٹارگٹ ہے۔

(جاری ہے)

صحافی تنقید ضرور کریں لیکن ہمیں ملکر بھی بیٹھنا چاہیے ، اور جمہوریت کے حق میں ملکر جدوجہد بھی کرنی چاہیے۔

میری کوشش ہوگی کہ جس شہر کے دورے پر بھی جاؤں، وہاں پریس کلب کا دورہ ضرور کروں۔بلاول بھٹو نے کہا کہ ہم ایسے فیصلے جو اٹھارویں ترمیم کیخلاف ہیں، ان کیلئے نظر ثانی اپیل میں جائیں گے۔ میں ملک کے کونے کونے میں جاؤں گا اور لوگوں کو بتاؤں گا کہ ان کواٹھارویں ترمیم میں کیا حق دیا گیا ہے۔ لیکن اس کے باوجود اگر آئین تبدیل کرنے کی کوشش کی گئی تولانگ مارچ کروں گا۔

اٹھارویں ترمیم پر کوئی آنچ نہیں آنے دوں گا۔ صحافیوں کے تحفظ اور سہولیات کی فراہمی اور اظہار آزادی کیلئے وفاق اور صوبائی سطحوں پر قانون سازی ہونی چاہیے۔آزادی صحافت کو قانون سازی کے ذریعے تحفظ دے سکتے ہیں۔ اظہار آزادی کیلئے ہمیں پارلیمانی اور عدالتی فورمزکو استعمال کرنا پڑے گا۔ انہوں نے کہا کہ پی ٹی آئی کی حکومت نے دعویٰ کیا تھا کہ ان کے پاس 200 قابل لوگ موجود ہیں ۔ کس ملک میں ایک سال میں تین بجٹ پیش کیے جاتے ہیں؟