Live Updates

عمران خان کی اقوام متحدہ کے اجلاس میں تقریر ، ریحام خان بھارت کی زبان بولنے لگیں

ایسا لگتا ہے یو این میں بھارت کی نمائندگی صرف مودی ہی نہیں عمران بھی کر رہے ہیں۔ ریحام خان

سمیرا فقیرحسین ہفتہ 28 ستمبر 2019 17:13

عمران خان کی اقوام متحدہ کے اجلاس میں تقریر ، ریحام خان بھارت کی زبان ..

اسلام آباد (اُردو پوائنٹ تازہ ترین اخبار۔ 28 ستمبر 2019ء) : وزیراعظم عمران خان کی اقوام متحدہ کی جنرل اسمبلی میں کی جانے والی 45 منٹ کی تقریر کو عالمی سطح پر بھی خوب سراہا جا رہا ہے لیکن عمران خان کی دوسری سابقہ اہلیہ ریحام خان نے بھارتی میڈیا پر بیٹھ کر بھارت کی ہی زبان بولنا شروع کر دی ہے۔ وزیراعظم عمران خان کی تقریر سے قبل بھارتی ٹی وی چینل کے پروگرام میں ریحام خان نے کہا کہ میں کوئی پیر ، جوتشی یا نجومی نہیں ہوں، لیکن پھر بھی ہم بتا سکتے ہیں کہ وزیراعظم کیا کہنے جا رہے ہیں۔

میرے خیال سے کسی کو بھی سانس روکنے کی ضرورت نہیں ہے کیونکہ ان کی تقریر کیس ہو گی اس کی اُمید کی جا سکتی ہے۔ انہوں نے کہا کہ بھارت کو تو خوش ہونا چاہئیے کیونکہ عمران خان پورس کے ہاتھی بن گئے ہیں۔

(جاری ہے)

امریکہ میں کشمیر پر بات کرنے کی بجائے وہ بھارتی بیانیہ بول رہے ہیں۔ ریحام خان نے کہا کہ ایسا لگتا ہے یو این میں بھارت کی نمائندگی صرف مودی ہی نہیں عمران بھی کر رہے ہیں۔

اسی لیے آپ کو عمران خان کی تعریف کرنی چاہئیے، اُن کو سراہنا چاہئیے ، اُن پر تنقید نہیں کرنی چاہئیے۔

بھارت کو تو خوش ہونا چاہیے کہ عمران خان پورس کے ہاتھی بن گئے ہیں۔ امریکہ میں کشمیر پر بات کرنے کی بجائے وہ بھارتی بیانیہ بول رہے ہیں۔ ایسا لگتا ہے یو این میں بھارت کی نمائندگی صرف مودی ہی نہیں عمران بھی کر رہے ہیں۔#BikaoNiazi pic.twitter.com/kgU1rcn8FN
— Reham Khan (@RehamKhan1) September 27, 2019

وزیراعظم عمران خان کی تقریر کے بعد مائیکروبلاگنگ ویب سائٹ ٹویٹر پر اپنے پیغام میں ریحام خان نے کہا کہ سلیکٹڈ نے کہا پاکستان کو کرپٹ اشرافیہ نے لوٹا ۔ سلیکٹڈ بتانا پسند فرمائیں گے کہ ان کے دوست عارف نقوی کتنے غریب ہیں؟ جو GIDC میں انہیں 80 ارب سے زائد کی چھوٹ دی جارہی تھی ۔

کیا ان کے بچے دودھ کے لیے رو رہے تھے؟

سلیکٹڈ نے کہا پاکستان کو کرپٹ اشرافیہ نے لوٹا ۔
سلیکٹڈ بتانا پسند فرمائیں گے کہ ان کے دوست عارف نقوی کتنے غریب ہیں؟
جو GIDC میں انہیں 80 ارب سے زائد کی چھوٹ دی جارہی تھی ۔
کیا ان کے بچے دودھ کے لیے رو رہے تھے؟
— Reham Khan (@RehamKhan1) September 27, 2019

انہوں نے کہا کہ عمران خان کی جانب سے کشمیر کا معاملہ اُٹھایا جانا طے تھا اور اس پر کوئی حیرانی کی بات نہیں ہے۔ لیکن تقریر کے کچھ پوائنٹس ڈی چوک دھرنے کے پوائنٹس تھے ، انہوں نے ان مسائل پر بات کی جن کا انہیں خود حل نکالنا چاہئیے۔

Kashmir thing was predictable & fine. But the the first few points were pretty much D Chowk & internal issues which he should resolve. https://t.co/SaqbCRiUWe
— Reham Khan (@RehamKhan1) September 27, 2019

ریحام خان نے عمران خان پر مزید تنقید کرتے ہوئے کہا کہ کشمیر اور اسلامو فوبیا پر سلیکٹڈ کی تقریر کے نکات قدر بہتر تھے لگتا ہے ابو جان نے لکھ کر بھیجی تھی لیکن منی لانڈرنگ/قرضوں کی بات کرنا بونگی تھی ۔ آپ حکومت میں ہیں اگر منی لانڈرنگ ہو رہی ہے تو اسے روکنا یو این کی نہیں آپ کی ذمہ داری ہے۔ خدارا کنٹینر سے اتر آئیں۔

کشمیر اور اسلامو فوبیا پر سلیکٹڈ کی تقریر کے نکات قدر بہتر تھے لگتا ہے ابو جان نے لکھ کر بھیجی تھی لیکن منی لانڈرنگ/قرضوں کی بات کرنا بونگی تھی ۔
آپ حکومت میں ہیں اگر منی لانڈرنگ ہو رہی ہے تو اسے روکنا یو این کی نہیں آپ کی ذمہ داری ہے۔
خدارا کنٹینر سے اتر آئیں
— Reham Khan (@RehamKhan1) September 27, 2019