مقبوضہ ،مسلسل 158ویں روز بھی بھارتی فوجی محاصرہ برقرار رہا
دورے کر انے سے مقبوضہ کشمیر کے بارے میں سچ کو چھپایا نہیں جاسکتا،تحریک حریت
جمعرات 9 جنوری 2020 20:30
(جاری ہے)
تحریک حریت نے بی جے پی کے ساتھ سا ز باز کرکے بعض سیاسی رہنمائوںکی طرف سے تیسرے نام نہاد محاذکی تشکیل کے بارے میں اطلاعات کے حوالے سے کہاکہ یہ شہداء کے خون اورکشمیری عوام سے غداری ہو گی جسے ہرگز برداشت نہیں کیاجائے گا۔
کشمیری سیاسی جماعتوں پیپلز ڈیموکریٹک پارٹی اورنیشنل کانفرنس نے سرینگر میں جاری اپنے بیانات میں کہاکہ بھارتی حکومت مقبوضہ علاقے میں حالات معمول کے مطابق ہونے کے اپنے دعویٰ کو درست ثابت کرنے کیلئے غیر ملکی سفارتکاروں کوکشمیر کا دورہ کرارہی ہے ۔ ادھر مقبوضہ کشمیر میں جمعرات کو مسلسل 158ویںروز بھی بھارتی فوجی محاصرہ جاری رہنے کے باعث وادی کشمیر اور جموںکے مسلم اکثریتی علاقوں میں صورتحال جوں کی توں رہی اور صارفین کو اشیائے ضروریہ کی شدید قلت کا سامنا رہا ۔سرینگر کے ایک کشمیری خاندان جن کے بیٹے کو بھارتی فوجیوں نے گزشتہ سال 5اگست کو بھارت کی طرف سے کشمیر کی خصوصی حیثیت کی منسوخی کے فورا بعد قتل کردیا تھا کو اپنے بیٹے کی شہادت کو ثابت کرنے کیلئے کشمیر ہائی کورٹ سے رجوع کرنا پڑا ہے ۔کشمیری خاندان کے مطابق فوجیوں نے Osaibکا گھر سے چند میل دورگرفتار کیا اور بندوق کے بٹوں سے اس کاکچلنے کے بعد اسے دریائے جہلم میں پھینک دیا تھا۔ انٹرنیٹ کی بندش اور میڈیاپر پابندیوں کافائدہ اٹھاتے ہوئے حکام نے نوجوان کے قتل کو تسلیم کرنے سے انکار کردیاتھا۔کشمیر کونسل یورپی یونین نے مقبوضہ کشمیر میںقابض بھارتی فورسز کی طرف سے جاری ظلم و بربریت کے خلاف یورپی عوام میں آگاہی پیدا کرنے کیلئے بیلجیم کے دارلحکومت برسلز میں جمعرات کو ایک کیمپ لگایا۔ایک روزہ کیمپ جو برسلز میں یورپی وزارت خارجہ کے دفتر کے سامنے لگایا گیا تھا کے موقع پر مقبوضہ کشمیرمیں جاری فوجی محاصرے اور انسانی حقوق کی دیگر پامالیوں کے بارے میں بروشرز بھی تقسیم کئے گئے ۔ بھارتی دارلحکومت نئی دلی میں جواہر لال نہرو یونیورسٹی کے طلباء پر پرُ تشدد حملے کے خلاف دلی یونیورسٹی میںطلباء کے احتجاج کے دوران کشمیر کی آزادی کا پوسٹر دیکھا گیا ہے ۔ دلی یونیورسٹی کے سینٹ اسٹیفنز کالج کے طلبا نے اپنی کلاسوں کا بائیکاٹ کرتے ہوئے جواہر لال نہرو یونیورسٹی کے طلباء کے ساتھ اظہار یکجہتی کیلئے زبردست احتجاجی مظاہرہ کیا۔ مظاہرے میں شریک ایک طالب علم کو کشمیر کی آزادی کے حوالے سے پوسٹر اٹھائے دیکھا گیا ہے ۔ طلباء نے آزادی کے حق میں نعرے بھی لگائے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.