وزیراعظم آزاد کشمیر سے وزیر اطلاعات مشتاق منہاس کی ملاقات،مقبوضہ کشمیر کی صورتحال اور پارٹی امور پر تبادلہ خیال

مسلم لیگ (ن) کی رکنیت سازی کا آغاز مارچ کے آخری ہفتے میں کیا جائے گا،دونوں رہنمائوں کا ملاقات میں فیصلہ

اتوار 1 مارچ 2020 19:20

اسلام آباد(اُردو پوائنٹ اخبارتازہ ترین - این این آئی۔ 01 مارچ2020ء) مسلم لیگ ن کی رکنیت سازی کا آغاز مارچ کے آخری ہفتے میں کیا جائے گا۔اس بات کا فیصلہ مسلم لیگ ن کے صدر وزیراعظم آزادجموں و کشمیر راجہ محمد فاروق حیدر خان نے مسلم لیگ ن کے چیف آرگنائزر وزیر اطلاعات راجہ مشتاق احمد منہاس سے گفتگو کرتے ہوئے کیا جنہوں نے کشمیر ہاوس اسلام آباد میں ان سے ملاقات کی۔

دونوں رہنماوں نے مقبوضہ کشمیر کی صورتحال اور پارٹی امور پر تبادلہ خیال کیا۔

(جاری ہے)

مسلم لیگ ن کے چیف آرگنائزر نے وزیراعظم اور پارٹی کے صدر کو تنظیمی امور سے متعلق اعتماد میں لیا۔انہوں نے پارٹی کے خالی عہدوں پر جلد نامزدگیاں کرنے پر بھی تبادلہ خیال کیا۔دونوں رہنماوں نے قائد پاکستان میاں محمد نواز شریف کے ویڑن اور پارٹی کے صدر میاں محمد شہباز شریف کی ہدایات کے مطابق آزادکشمیر بھر میں سرگرم کارکنوں کو پارٹی میں اہم۔ذمہ داریاں دینے پر بھی اتفاق کیا۔اس موقع پر انہوں نے سابق وزیراعظم شاہد خاقان عباسی اور مسلم لیگ ن کے جنرل سیکرٹری احسن اقبال کو رہائی پر مبارکباد بھی دی۔