Live Updates

پٹرول اور ڈیزل کی قیمتوں میں نمایاں کمی کی جائے: مونس الٰہی

عالمی سطح پر قیمتیں 30فیصد کم ہو گئیں، عوام کی تکالیف کم کرنے کیلئے انہیں بھرپور ریلیف دینا چاہئے: پاکستان مسلم لیگ کے رہنما کا ٹویٹ

عمر جمشید پیر 9 مارچ 2020 22:02

پٹرول اور ڈیزل کی قیمتوں میں نمایاں کمی کی جائے: مونس الٰہی

لاہور (اُردو پوائنٹ اخبارتازہ ترین۔ 09 مارچ2020ء) پاکستان مسلم لیگ کے مرکزی رہنما اور قومی اسمبلی کے رکن مونس الٰہی نے پٹرول اور ڈیزل کی قیمتوں میں روایتی کے بجائے نمایاں کمی پر زور دیا ہے۔

(جاری ہے)

انہوں نے اپنے ایک ٹویٹر پیغام میں کہا ہے کہ تیل کی عالمی سطح پر قیمتوں میں 30 فیصد تک کمی ہو گئی ہے اب ہماری حکومت کو بھی چاہئے کہ وہ مہنگائی سے پریشان عوام کیلئے تیل کی قیمتوں میں کمی کرے۔ انہوں نے کہا کہ یہ کمی واجبی نہیں ہونی چاہئے بلکہ عوام کی تکالیف و مسائل کے پیش نظر پٹرول مصنوعات کی قیمتوں میں نمایاں کمی کر کے انہیں بھرپور ریلیف دیا جائے تاکہ ان کی تکالیف کم ہوسکیں۔

تیل کی عالمی قیمتوں میں 30 فیصد تک کمی ۔ اب حکومت کو بھی مہنگائی میں گھری عوام کے لیے پیٹرول ، ڈیزل کی قیمتوں میں واجبی نہیں نمایاں کمی کرنی چاہیے ۔
عوام کی کم کریں تکالیف ۔ پٹرولیم مصنوعات پر دیں بھر پور ریلیف!#PetroleumProducts #BrentCrude #Pakistan #Inflation
— Moonis Elahi (@MoonisElahi6) March 9, 2020