مقبوضہ کشمیر میں ہزاروں لوگوں کی شہید نوجوان کی نماز جنازہ میں شرکت
بھارتی فوجیوں نے محاصرے او ر تلاشی کی بڑی کارروائیاں شروع کر دیں
ہفتہ 14 مارچ 2020 23:40
(جاری ہے)
مدثر احمد کی شہادت پر کئی علاقوں میں کی جانے والی ہڑتال کے باعث معمولات زندگی مفلوج رہے۔
جموںوکشمیر سوشل یوتھ فورم کے چیئرمین عمر عادل ڈار اور جموںوکشمیر اسلامی تنظیم آزادی کے جنرل سیکرٹری شیخ ابرار احمد نے سرینگر میں اپنے بیانات میں شہید نوجوان کو شاندار خراج عقیدت پیش کیا۔ انہوں نے کہا کہ کشمیر ی عوام آزادی کے عظیم مقصد کیلئے اپنی قیمتی جانیں لٹا رہے ہیں اور وہ اپنی جدوجہد میں ضرو ر کامیاب ہونگے۔ دریں اثنا بھارتی فوجیوں نے آج جنوبی کشمیر کے اضلاع اسلام آباد، کولگام اورپلوامہ کے مختلف علاقوں میں محاصرے اور تلاشی کی کارروائیاں شروع کیں جس کی وجہ سے مقامی لوگوں کو سخت مشکلات کا سامنا ہے۔ بھارتی تحقیقاتی ادارے این آئی اے کے اہلکاروں نے ضلع بارہمولہ میں پٹن کے علاقے پالپورہ میں پھلوں کے بیوپاری غلام محمد میر کے گھر پر چھاپہ مارکر انہیں گرفتارکرلیا۔پوری دنیا کو اپنی لپیٹ میں لینے والے کورونا وائرس کے پیش نظرمختلف جیلوں میں نظربند کشمیری سیاسی قیدیوںکے اہلخانہ نے اپنے رشتہ داروں کی صحت اور تحفظ کے بارے میں تشویش کا اظہار کیا ہے۔اہلخانہ نے اپنے انٹرویوز میں کشمیری نظربندوں کی فوری رہائی کا مطالبہ کیا ہے۔ انسانی حقوق کے معروف کشمیری کارکن پرویز امروز نے کہا کہ موجودہ صورتحال سے قیدیوں کی ذہنی صحت پر منفی اثرات مرتب ہوسکتے ہیں۔ بھارتی حیدر آباد کی ایک یونیورسٹی میں ایک 22سالہ کشمیر ی طالب علم کو پراسرار حالت میں مردہ پایا گیا ہے۔جاں بحق ہونے والا طالب علم جس کی شناخت اسرار بشیر کے طورپر ہوئی ہے ،اسلام آباد قصبے کے علاقے عشائی پورہ کا رہائشی تھا اوروہ جواہر لال نہرو ٹیکنالوجی یونیورسٹی حیدر آباد میں بی ۔ٹیک کے چھٹے سیمسٹر کا طالب علم تھا۔ ادھر جموں وکشمیر پیر پنجال سول سوسائٹی نے گوجرانولہ میں جموں خطے سے تعلق رکھنے والے مہاجرین اور بیرون ملک مقیم کشمیریوں کا ایک اہم اجلاس منعقد کیا۔ اس موقع پر مقررین نے مقبوضہ کشمیر کی موجودہ صورتحال پر روشنی ڈالی اورشرکاء کومقبوضہ علاقے کے لوگوںکی حالت زار سے آگاہ کیا۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.