پی ایس ایل 5 ، آخری لیگ میچ کے ٹاس کے ساتھ ہی سیمی فائنل کھیلنے والی 4 ٹیموں کا فیصلہ ہوگیا

کوئٹہ کو کراچی کا دیا ہدف صرف 3 اوورز میں پورا کرنا ہوگا جو ناممکن ہے، پشاور زلمی نے چوتھی پوزیشن پکی کرلی

ذیشان مہتاب اتوار 15 مارچ 2020 18:50

پی ایس ایل 5 ، آخری لیگ میچ کے ٹاس کے ساتھ ہی سیمی فائنل کھیلنے والی 4 ..

کراچی(اردو پوائنٹ تازہ ترین اخبار۔15مارچ2020ء ) پی ایس ایل 5 کے آخری لیگ میچ میں کراچی کنگزنے کوئٹہ گلیڈی ایٹرزکے خلاف ٹاس جیت کر پہلے بلے بازی کرنے کا فیصلہ کیا ہے-کوئٹہ کو کراچی کا دیا ہدف صرف 3 اوورز میں پورا کرنا ہوگا جو ناممکن ہے، آخری لیگ میچ کے ٹاس کے ساتھ ہی پشاور زلمی نے چوتھی پوزیشن پکی کرلی -یاد رہے کہ پاکستان سپر لیگ کے 5ویں ایڈیشن کے تمام میچز پاکستان میں کھیلے رہے ہیں اور یہ پہلی مرتبہ ہے جب پی ایس ایل کے تمام میچز پاکستان کی سرزمین پر ہورہے ہیں۔

2016ء سے شروع ہونے والی لیگ درجہ بدرجہ پاکستان منتقل ہوئی۔ لیگ کے پہلے ایڈیشن کے تمام میچز متحدہ عرب امارات میں کھیلے گئے تاہم ایونٹ کے دوسرے ایڈیشن میں ٹورنامنٹ کو پاکستان لانے کا آغاز کیا گیا تھا۔

(جاری ہے)

لیگ میں دنیا بھر کر نامور کھلاڑی ایکشن میں نظر آرہے ہیں۔ کوئٹہ گلیڈی ایٹرزکی ٹیم لیگ میں ٹائٹل کا دفاع کریگی۔لیگ میں 6 ٹیمیں ٹائٹل کے حصول کے لئے پنجہ آزما ہیں جن کے درمیان 34 میچز مخلتف وینیو پر کھیلے جارہے ہیں، لیگ میں شامل 6 ٹیموں جن میں اسلام آباد یونائیٹڈ، کوئٹہ گلیڈی ایٹرز، کراچی کنگز، لاہور قلندرز، پشاور زلمی اور ملتان سلطانز شامل ہیں، کے مابین فائنل سمیت 34 میچز کھیلے جائیں گے۔

اسلام آباد یونائیٹڈ کی قیادت شاداب خان کررہے ہیں، کوئٹہ گلیڈی ایٹرز کی کپتانی سرفراز احمد کے پاس ہے، کراچی کنگز کی کمان عماد وسیم کو سونپی گئی ہے ، لاہور قلندرز سہیل اختر کی زیر قیادت میدان میں اترے گی، پشاور زلمی کی قیادت لیگ کے شروع میں ویسٹ انڈیز سے تعلق رکھنے والے کھلاڑی ڈیرن سمی کے پاس تھی تاہم اب وہاب ریاض کپتانی کریں گے جب کہ ملتان سلطانز ٹیم کی قیادت شان مسعود کرینگے۔

لیگ کے کامیاب انعقاد کے لئے پی سی بی بھرپور کوشش کررہا ہے ۔ لیگ کے 14 میچز لاہور، 9 کراچی، 8 راولپنڈی اور 3 ملتان میں کھیلے جائیں گے۔ لیگ کا فائنل میچ 22مارچ کو قذافی سٹیڈیم لاہور میں کھیلا جائےگا۔لیگ میں دنیا بھر کے نامور کرکٹرز شرکت کررہے ہیں۔ امید کی جاری ہے کہ لیگ کے پانچویں ایڈیشن میں بھی مداحوں کو سنسنی سے بھر پور میچز دیکھنے کو ملیں گے۔