بھارتی جیلوں سے 14 ہزار بچوں سمیت کشمیری قیدیوں کو فوری رہا کیا جائے، وزیراعظم آزاد کشمیر راجہ فاروق حیدرخان

پیر 30 مارچ 2020 17:21

اسلام آباد ۔ (اُردو پوائنٹ اخبارتازہ ترین - اے پی پی۔ 30 مارچ2020ء) وزیر اعظم آزاد کشمیر راجہ فاروق حیدر خان نے کہا ہے کہ بھارت کشمیری قیدیوں کو رہا کرے، مقبوضہ کشمیر کے 14 ہزار بچے بھارتی جیلوں میں قید میں ہیں انہیںبھی فوری رہا کیا جائے۔

(جاری ہے)

پیر کو اپنے ایک بیان میں انہوں نے کہا کہ یہ بھارتی پروپیگنڈا سراسر غلط ہے کہ پاکستان سے کورونا وائرس سے متاثرہ افراد کو زبردستی آزاد کشمیر بھیجا جا رہا ہے، ہجیرہ کا ایک شخص لاہور میں کورونا سے جان بحق ہوا، اس کے میت تک یہاں نہیں لائی گئی، اس حوالے سے بھارتی پروپیگنڈا ماضی کی طرح جھوٹا ہے۔

وزیر اعظم آزاد کشمیر نے کہا کہ مقبوضہ کشمیرکے بھائیوں، بیٹیوں اور بہنوں سے اظہار یکجہتی کرتا ہوں۔انہوں نے کہا کہ لائن آف کنٹرول پر گولہ باری کی مذمت کرتا ہوں۔اس مشکل وقت میں بھارت اپنی حرکتوں سے باز نہیں آرہا۔وزیر اعظم آزاد کشمیر نے کہا کہ ریاستی حکومت کورونا وائرس کو پھیلنے کے روکنے کے لئے ہر ممکن اقدامات کر رہی ہے۔