گورنر سندھ عمران اسماعیل کا کورونا ٹیسٹ منفی آگیا

میرا کورونا ٹیسٹ منفی آگیا ہے، مریضوں کے علاج کیلئے جلد پلازمہ عطیہ کروں گا: گورنر سندھ کا ٹویٹ

عثمان خادم کمبوہ بدھ 13 مئی 2020 00:14

کراچی (اُردو پوائنٹ اخبارتازہ ترین ۔ 08 مئی2020ء) : گورنر سندھ عمران اسماعیل کا کورونا ٹیسٹ منفی آگیا ۔ عمران اسماعیل کورونا سے صحتیاب ہوگئے ہیں اور انکی کورونا رپورٹ نیگٹو آگئی ہے ۔ انہوں نے اپنے ٹویٹر پیغام میں کہا ہے کہ '' الحمدالللہ! میرا کورونا ٹیسٹ منفی آگیا ہے، جن لوگون نے میری صحت کیلئے دعا کی ان سب کا بہت شکریہ، میں کورونا کے مریضوں کے علاج کیلئے جلد پلازمہ عطیہ کروں گا۔

Alhamdulilah I have received my test results in which I have been tested negative for COVID19. Many thanks to all those who prayed for my health. I will soon be donating blood plasma to those in need.
— Imran Ismail (@ImranIsmailPTI) May 12, 2020

اس سے قبل گورنر سندھ کا کورونا ٹیسٹ دو بار مثبت تھا جس پر عمران اسماعیل نے عوام سے دعائوں کی اپیل کی تھی ۔ عمران اسماعیل نے بتایا تھا کہ ان کا دوسرا کورونا ٹیسٹ بھی مثبت آیا ہے ، انہوں نے تمام چاہنے والوں سے دعاوں کی درخواست کی تھی اور کہا تھا کہ للہ مجھے اس بیماری سے لڑنے کی ہمت اور شفا دے۔

(جاری ہے)

انہوں نے کہا کہ میں کورونا کے خلاف جنگ جاری رکھوں گا اور وزیراعظم عمران خان کے شانہ بشانہ بھی جنگ لڑتا رہوں گا ۔

اس کے بعدسندھ کے وزیر برائے ریونیو مخدوم محبوب الزمان نے مٹیاری میں کورونا وائرس کے پھیلنے کی وجہ گورنر سندھ عمران اسماعیل کو قرار دے دیا تھا۔ انہوں نے کہا تھا کہ گورنر سندھ عمران اسماعیل نے 22 اپریل کو مٹیاری کا دورہ کیا تھا جس کے بعد سے ضلع میں کورونا کیسز کی تعداد بڑھ گئی ہے۔ مٹیاری میں متاثرہ افراد کی تعداد 24 ہو گئی ہے جو گورنر سندھ کے یہاں آنے کے بعد ہوئی ہے ۔ دوسری جانب وزیر اطلاعات سینیٹر شبلی فراز نے کہا ہے کہ گورنر سندھ عمران اسماعیل کرونا سے صحتیاب ہو کر اپنے فرائض دوبارہ سے سرانجام دیں گے۔ انہوں نے گور نرسندھ کی تبدیلی کا امکان مسترد کر دیا اور کہا کہ عمران اسماعیل ہی گورنر سندھ رہیں گے ۔